भांगरभूंय | प्रतिनिधी
पणजीः गोंय उर्जा विकास एजन्सी (गेडा) 11 वेगवेगळ्या पदां खातीर भरती करपाची आसा. तातूंतली सगळ्यांत चड 6 पदां कनिश्ट अभियंत्या खातीर आसात. फिल्ड असिस्टंट खातीर 3 आनी एलडीसी आनी मास्टर क्राफ्टमन खातीर दरेकीं एक पद भरतले. इत्सूक उमेदवारांनी 8 डिसेंबर मेरेन एजन्सीच्या पाटो हांगाच्या कार्यालयांत अर्ज सादर करचे. हाचे विशीं चड म्हायती www.goa.gov.in ह्या संकेतथळार आसा.
6 कनिश्ट अभियंत्यांतले 3 राखीव आसतले. हाचे खातीर पगार मॅट्रिक्स लेव्हल 5 प्रमाण दितले. हाचे खातीर उमेदवारांकडेन इलेक्ट्रॉनिक, इलेक्ट्रिकल वा इलेक्ट्रॉनिक अँड कम्युनिकेशन इंजिनियरिंगांतली पदवी वा डिप्लोमा आनी दोन वर्सांचो अणभव आसपाक जाय. पात्र उमेदवारांची शंबर गूणांची परिक्षा जातली. एलडीसी पदा खातीर आरक्षण ना. हे खातीर 12 वी वा डिप्लोमा पास जावप गरजेचें.
मास्टर क्राफ्ट्सम ह्या पदा खातीर उमेदवार 12 वी वा डिप्लोमा पास जाल्लो आसूंक जाय. ह्या तशेंच एलडीसीच्या उमेदवाराक संगणक आनी टायपिंगाचे गिन्यान आसूंक जाय. दोनूय पदां खातीर 100 गूणांची परिक्षा जातली. ह्या पदां खातीर पगार मॅट्रिक्स लेव्हल 2 प्रमाण आसतलो. फील्ड असिस्टंटाचे एक पद राबीव आसा. सगळ्या पदां खातीर उमेदवारांकडेन पंदरा वर्सांचें रेसिडेन्सी प्रमाणपत्र आसूंक जाय.
इत्सूक उमेदवारांनी 8 डिसेंबर सांजेच्या 5 वरां पयलीं अर्ज सादर करचें अशें एजन्सीन कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
