भांगरभूंय | प्रतिनिधी
पणजी: १६ जानेवारीक गोंय अस्मिताय दीस मनयतात. कोंकणी लेखक संघान गोंय अस्मिताय दिसा निमतान फोंडेंच्या स्नेहमंदिरांत सांजेवेळार ४:३० वरांचेर विशेश कार्यावळीचें आयोजन केलां.
जनमत कौलाक लागून खासा जनमत कौल आंदोलनांतले फोटो प्रदर्शन तशेंच ज्येश्ठ नागरिकां खातीर कविता सादरीकरण, गीतां, मनरिजवणेच्यो कार्यावळींच्या ह्या दिसा आयोजन केलां. तशेंच ज्येश्ठ लेखक एन शिवदास हेय ह्या वेळार आपले मोलादीक विचार मांडटले. जांकां हे कार्यावळीक कविता वा गीतां सादर करपाचीं आसात तांणी संघाचे सचीव प्रसाद पागी (९७६-५६७-६१३६) हांकां संपर्क करचो. तशेंच हे कार्यावळीक व्हडा संख्येन हजर रावपाचो उलो कोंकणी लेखक संघा वतीन मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
