भांगरभूंय | प्रतिनिधी
वडोदराच्या मोतीबाग क्रिकेट स्टेडियमाचेर चालू आशिल्ले चार दिसांचे 19 वर्सां पिराये सकयले कुचबिहार क्रिकेट मॅचींत बडोदा पंगडान गोंयाक डाव आनी 83 धांवड्यांनी हारयलो. मॅचीचो निकाल तिसऱ्याच दिसा लागलो.
गोंया वतीन दुसऱ्या डावांत चित्तम देवन कुमार, सनाथ नेवगी आनी यश कसवणकार हांणी अर्द शेंकड्यांची नोंद केल्ली. पूण, तांकां गोंयची हार वाटावपाक जमली ना. हे सर्तींत गोंयाक सेगीत दुसरे हारीक तोंड दिवचें पडलें.
पयल्या डावांत 373 धांवड्यांनी फाटीं पडिल्ल्या गोंयान काल बिनबाद 72 धांवड्यां वयल्यान मुखार खेळपाक सुरवात केली आनी फॉलोऑन करतना दुसरो डाव 290चेर सोंपलो. बडोदा वतीन प्रियंशू मोलियान 65 धांवड्यो दितना पांच विकेटी घेतल्यो.
थोडे भितर धांवतकटोः बडोदा, (पयलो डाव) 495, गोंय (पयलो डाव) 122, (दुसरो डाव) 80.3 ओव्हरींनी 290 (वीर यादव 24, चित्तम देवनकुमार 76, सनथ नेवगी 79, यश कसवणकार 62धांवड्यो , प्रियांशू मोलिया 5-65, राज लिम्बानी 2-71, शैलेंद्र यादव 2-83).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
