भांगरभूंय | प्रतिनिधी
बंगळुरूच्या अलूर क्रिकेट स्टेडियम तीनांत जाल्ले विजय हजारे वन डे मॅचींत गोंयान अरुणाचल प्रदेशाक 5 विकेटींनी हारयलो.
गोंयच्या जैतांत स्नेहल कवठणकार आनी सुयश प्रभुदेसाय पर्जळ्ळे. कवठणकारान 50 बॉलांनी 68 धांवड्यांची खेळी केली. हातूंत 13 चवक्यांच आनी एका सक्याचो आस्पाव आशिल्लो. जाल्यार सुयशान 62 बॉलांनी 62 धांवड्यो केल्यो. ताणें आठ चवके आनी एक सको मारलो. दोगांयनी वैयक्तीक अर्द शेंकड्यांचे खेळी खेरीत दुसरे विकेटी खातीर 111 धांवड्यांची भागिदारी करून गोंयचें जैत सोंपें केलें.
ते पयलीं गोंयान टॉस जिखून प्रतिस्पर्धी पंगडाक पयलीं बॅटींग करपाचें आमंत्रण दिलें. अरुणाचल प्रदेशाक निर्धारीत 50 ओव्हरींनी फक्त 175 धांवड्यो करप शक्य जाल्यो.
डोरियान 50 आनी कमक्षा यंगफोन 63 धांवड्यांची खेळी केली. गोंया वतीन अमुल्य पांढ्रेकारान 41 धांवड्यो दिवन 5 विकेटी घेतल्यो.
थोडे भितर धांवतकटोः अरुणाचल प्रदेश, 50 ओव्हरींनी 175 धांवड्यो ( गुरंग जेम्स 13, डोरिआ 50, कामक्षा यंगफो 63, मापू यिगम 21 धांवड्यो, अमुल्य पांढ्रेकार 5-41, लक्ष्य गर्ग 3-32, अर्जुन तेंडुलकर आनी वेदांत नायक देरीक 1 विकेट) हार आड गोंय, 25.3 ओव्हरींनी 5 बाद 176 धांवड्यो (स्नेहल कवठणकार 50, सुयश प्रभुदेसाय 62, दीपराज गांवकार 15 धांवड्यो कार्तिक 2-39, निआ 1-27).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
