भांगरभूंय | प्रतिनिधी
-1 जून ते 21 सप्टेंबर मेरेन सरासरी 165.89 इंच पावसपणजीः गोंयांत सध्या मॉत्सून पावसाक नेट नाशिल्ल्यान फाटल्या कांय दिसां सावन पावसान विसव घेतला. पूण अनुकूल हवामानाक लागून पावस परतून सक्रिय जावपाची शक्यताय आसा. हवामान खात्यान सोमारा आनी मंगळारा वादळी वाऱ्या सयत मध्यम पावस पडपाचो अदमास उक्तायला. ते प्रमाण 23 आनी 24 दिसा येलो अलर्ट जारी केला. आयतारा खातीर कसलोच अलर्ट जारी करूंक ना.
शेनवारा राज्यांत पावस पडूंक नाशिल्ल्यान चडांत चड तापमान वाडलें. पणजेंत चडांत चड तापमान 1.9 अंश वाडून 32.2 अंश सेल्सियस जाला. मुरगांवां चडांत चड तापमान 1.8 अंश वाडून 31.8 अंश सेल्सियस जालें. पणजेचें उण्यांत उणें तापमान 25 अंश जाल्यार मुरगांवां उण्यांत उणें तापमान 25.2 अंश आशिल्लें. हवामान खात्यान दिल्ले म्हायती प्रमाण राज्यांत चडांत चड तापमान 30 ते 32 अंश आनी उण्यांत उणें तापमान 25 अंश सेल्सियस आसपाची शक्यताय आसा.
गोंयांत 1 जून ते 21 सप्टेंबर ह्या काळांत सरासरी 165.89 इंच पावस पडला. अंदूं पावसाचें प्रमाण 44.2 टक्क्यांनी चड आसा. मजगतीं, वाळपय सगळ्यांत चड 214.15 इंच पावस पडला. ताचे उपरांत सांगें 205.75 इंच, 181.36 इंच सांखळी, केपें 181.3 इंच, पेडणें 169.34 इंच, पोरणें गोंयांत 162.44 इंच, 162.05 इंच फोंडें, 158.27 इंच, काणकोणां 158.27 इंच, मडगांवां 151.83 इंच, मुरगांवां 145.01 इंच आनी दाबोळी 130.49 इंच पावसाची नोंद जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
