भांगरभूंय | प्रतिनिधी
पणजी : गोंयांत २०२७ चे जनगणनेचो एक भाग म्हणून ५ लाख घरांचें जिओटॅगिंग करतले. १ एप्रील २०२६ सावन इमारती, निवासी आनी बिगर निवासी अशें ‘डिजिटल लेआववट मॅपींग’ (डीएलएम) करप सुरू जातलें.
पयलेच फावट अशे तरेन व्हडा प्रमाणांत ‘डिजिटल मॅपींग’ हातांत घेतात. जनगणनेचो एक भाग म्हणून हें काम हातांत घेतात. तातूंत ५ लाखां परस अदीक घरां आनी इमारती जिओटॅग करतले. इमारतींचे निवासी, बिगर निवासी, ‘अंशत: निवासी’ आनी ‘लँडमार्क’ अशे श्रेणींत वर्गीकरण करतले. घरांची वळेरी करपाचे प्रक्रियेचो टप्पो, जातूंत जिओटॅगिंगचो आसपाव आसा.
१ एप्रील २०२६ तारखेर सुरू जातलें आनी सप्टेंबर, २०२६ मेरेन चालूच उरतलें. २०२७ सांतल्या नियोजीत भारतांतल्या पयल्या पुराय डिजिटल जनगणनेचो एक भाग आसा. स्वगणना कार्यक्षमतेची तपासणी घेवपाक सध्या राज्यांतल्या दोन सुवातांचेर जनगणना २०२७ पोर्टलाची पुर्व चाचणी सुरू आसा. ह्या उपक्रमाचें उद्दश्ठ गृहनिर्माण डेटाची अचूकता सुधारप, जनगणना प्रक्रिया सुरळीत करप बरें शारी नियोजन आनी कल्याणकारी येवजण्यो वाटपा खातीर एक विस्वासू थळावे डेटाबेस तयार करप आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
