भांगरभूंय | प्रतिनिधी
२०११ वर्सांचे जनगणने प्रमाण अर्थीक सर्वेक्षणाच्या अहवालांत म्हायती
पणजी ः २०११ वर्सांचे जनगणने प्रमाण गोंयांत साक्षरतेचें प्रमाण ८८.७ टक्के आसा. देशांत साक्षरतेचें प्रमाण ७३ टक्के आसा. देशांचें तुळेंत गोंयांतलें साक्षरतेचें प्रमाण खूब चड आसा.
केंद्रीय अर्थसंकल्पा पयलीं अर्थीक सर्वेक्षणाचो अहवाल संसदेंत सादर केलो. ही म्हायती अर्थीक सर्वेक्षणाच्या अहवालांत दिल्या. शेजारच्या महाराष्ट्रांत साक्षरतेचें प्रमाण ८२.३ टक्के, जाल्यार कर्नाटकांत ७५.४ टक्के आसा.
गोंयचें साक्षरतेचें प्रमाण दर धा वर्सांनी वाडत रावलें. १९५१ वर्सा गोंयचें साक्षरतेचें प्रमाण २३.५ टक्के आशिल्लें. हाचे उपरांत १९६१ वर्सा ३५.४ टक्के, १९७१ वर्सा ५२ टक्के, १९८१ वर्सा ६५.७ टक्के, १९९१ वर्सा ७५.५ टक्के, २००१ वर्सा ८२ टक्के आशिल्लें आनी २०११ वर्सा ८८.७ टक्के जालें. राज्यांतलें साक्षरतेचें प्रमाण दशकां सावन वाडत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
