गोंयांत शिंयाळो सुरू

भांगरभूंय | प्रतिनिधी

पणजी ः ऑक्टोबरांत पडिल्ल्या पावसाक लागून गोंयांत बरेंच लुकसाण जालें. व्हड पडपी पावसाक लागून अशें दिसतालें की आमी आजून जून- जुलय म्हयन्यांत आसात काय कितें. मजगतीं पावस सोंपून आतां गोंयांत शिंयाळी दिसांअ (थंडी) सुरवात जाल्या. फाटल्या कांय दिसांनी पावसाची शक्यताय नाशिल्ल्यान कमाल आनी किमान तापमानांत व्हड प्रमाणांत उणाव आयला अशी म्हायती भारतीय हवामान विभागान (IMD) दिली.
आयएमडीच्या आंकडेवारी प्रमाण, 1 ऑक्टोबर सावन सुरू जाल्ल्या परतीच्या पावसाच्या हंगामांत सरासरी 10 इंचा परस चड पावस पडलो. पेडणें सगळ्यांत चड 23 इंच, जाल्यार सांग्यार सगळ्यांत उणो 10 इंच पावस पडलो.
ईशान्य मान्सून (ऑक्टोबर ते डिसेंबर) गोंयच्या सरासरी वर्सुकी पावसांच्या सुमार 6.4% इतलो पावस पडटा. फाटल्या कांय दिसांनी पावस उणो जाला. हवामान विभागान दिल्ले म्हायती प्रमाण राज्यभर चडांत चड तापमानांत खूब उणाव आयला. पणजी आनी मुरगांव चडांत चड तापमान सुमार 2.4°C देंवले सध्या ते 31°C च्या आसपास आसा. आयज पणजेचें तापमान 23°C आनी मरगांव सुमार 23.2°C नोंद जालें. तशेंच ओलसाणेची पातळी (Relative Humidity) अजूनय चड आसून पणजेंत 93% आनी मुरगांव 90% आसा.

फुडलो हवामान अदमास
आयएमडीच्या अदमासा प्रमाण उत्तर आनी दक्षrण गोंय 8 ते 12 नोव्हेंबर मेरेन हवामान सुकें उरतलें. ह्या अदमासान गोंयांत आतां अधिकृतपणान शिंयाळो हंगाम सुरू जाला.