गोंयांत राष्ट्रीय नाट्य विद्यालयांक येवकारः मुख्यमंत्री

भांगरभूंय | प्रतिनिधी

-भारत रंग महोत्सवाचें दबाज्यान उक्तावणपणजीः गोंयांत राष्ट्रीय नाट्य विद्यालय सुरू करपा खातीर राज्य सरकार पुराय सहकार्य करतलें. ते भायर हें विद्यालय साखळे जावचे म्हण सयुक्त सहकार्य करपा खातीरचें आमंत्रण लेगीत धाडलां. तशेंच भारत रंग महोत्सवांत कोंकणी नाटक आनी तियात्रांचो आस्पाव आसचो, अशे आवाहन मुख्यमंत्री डॉ. प्रमोद सावंत हांणी केलां.

बुधवारा सांजें कला अकदामीच्या दिनानाथ मंगेशकार सभाघरांत भारत रंग महोत्सव ह्या राष्ट्रीय महोत्सवाचें मुख्यमंत्री डॉ. प्रमोद सावंत हांचे हस्तुकीं दबाज्यान उक्तावण जाले. ह्या वेळार कला आनी संस्कृती सचीव सुनील अंचिपाका, कला आनी संस्कृती संचालक सगूण वेळीप, राष्ट्रीय नाट्य विद्यालयाचे संचालक चित्ररंजन त्रिपाठी आनी हेर मानेस्त हजर आशिल्ले.

उक्तावणा उपरांत मुख्यमंत्र्यांनी सांगलें, गोंयांत राष्ट्रीय नाट्य विद्यालया खातीर सयुक्त सहकार्याची उलोवणी जाल्या.

गोेंयांत थिएटर अकाकदमी आसा, पूण राष्ट्रीय नाट्य विद्यालया वतीन जर गोंयांत तुमकां अकादमी जाय जाल्यार गोंय सरकार पुराय सहकार्य दितलें.  हे भशेनचीं थिएटरा गोंयांत म्हाल पांवड्यार आसात. खंयच्याय एका म्हालांतल्या वा म्हजें मतदारसंघांतल्या सांखळे रवींद्र भवनांत हांव राष्ट्रीय नाट्य विद्यालय सुरू करपा खातीर सयुक्त सहकार्य करपा खातीर सज्ज आसा. जर सांखळे सुरू जाल्यार खेडे गांवांत आनी भायल्यान येवपी कलाकारांक हाचो लाव जातलो, असो उलो मुख्यमंत्र्यांनी मारला.

राज्यात फाटले 450 वर्सात कोंकणी नाटकाचेर प्रचंड दबाव तंत्र हाडले, पुण कोकणी नाटक खयच बंद जांवकना ते भायर कोकणी तियात्र जल्माक आयले. गोंयात नाटक आनी तियात्र बरे प्रसिध्द आसा, अशें मुख्यमंत्र्यान सांगले.

तियात्र अकादमीत हावेन एक तियात्रिस्तांची भेट घेतली. ताणे सांगले की तांणे संसारभर 100 तियात्र केल्यात. ती तियात्रा इंग्रजीत न्ही कोकणींत सादर जाल्यात आनी लोकांचो मोठो प्रतिसाद हे नाटकांक मेळला. तियात्रान कोंकणीक संसारीक पांवड्यार व्हेला, अशें मुख्यमंत्र्यान म्हणले.

भारत रंग महोत्सवात कोंकणी नाटका बरोबर तियात्रांचो वेगळे तऱ्हेन आस्पाव करचो. गोंयची मराठी नाटका हे महोत्सवांत जाता तातुंत म्हाका काय संदेह ना. पुण मराठी परस कोंकणी लोक चड पसंद करतात, असो उलो मुख्यमंत्र्यानी मारला.