भांगरभूंय | प्रतिनिधी
दोडामार्ग ः तिळारी घांटार म्हाल येरादारी टेम्पोचो अपघात जालो. देंवतेचेर टेम्पोचे ब्रेक फेल जाल्ल्यान ड्रायव्हराचो टेम्पोवेलो ताबो गेलो. तांणी गाडयेचेर नियंत्रण मेळोवपाचो यत्न केलो, पूण ताका अपेस आयलें आनी टेम्पो उमथलो. ह्या अपघातांत कोणाक कांय जावंक ना. पूण टेम्पोचें व्हड लुकसाण जालें. काल शुक्रारा सांजवेळार हो अपघात जालो.
मेळिल्ले म्हायती प्रमाण, महिंद्रा बोलेरो पिकअप कोल्हापूरांतलो आसून तिळारी घांटा वयल्यान ताडपत्री घेवन तो गोंयांत येतालो. घांटावेल्या देंवतेचेर गाडयेचे ब्रेक फोल जालो आनी ड्रायव्हराचो गाडयेवेलो ताबो गेलो. उपरांत गाडयेन कुशीक आशिल्ल्या डिव्हायडराक धपको दिलो आनी उमथलो. अपघाताची म्हायती मेळटाच पुलिसांनी घडणूक सुवातेर येवन पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
