भांगरभूंय | प्रतिनिधी
पणजीः गोंयांत बुडून मरण येवपाच्या घडणुकांच्या फाटभुंयेर हे म्हयन्यांत 9 जाणांक बूडून मरण आयलें. उत्तर गोंयांत चार जाल्यार दक्षीण गोंयांत पांच घडणुको घडल्यात, अशी म्हायती उजो पालोवपी दळान दिल्या.
उजो पालोवपी दळाक 1 मे ते 27 मे मेरेन आपत्कालीन घडणुकांचे 13 कॉल्स आयले. ह्या घडणुकांत 9 जाणांक बुडून मरण आयलें. मुळगांवां सगळ्यांत चड दोन घडणुको घडल्यो, जाल्यार कुडतरी, सांकवाळ,पैंगिणी, काणकोण, मयड्यां, कोलवाळे आनी दिवचले दरेकी एक घडणूक घडल्या.
बार्देस म्हालांत दोन घडणुकांनी दोगांक बुडून मरण आयलें. दिवचल म्हालांत पांच घडणुकांनी दोगांक मरण आयलें. काणकोण म्हालांत दोन घडणुकांनी दोगांक बुड़ून मरण आयलें.
मुरगांव म्हालांत दोन घडणुकांनी दोगांक मरण आयलें. जाल्यार साश्ट म्हालांत दोन घडणुकांनी एकल्याक मरण आयलें.
गर्मे पसून थाकाय घेवपा खातीर कानाल, न्हंयेंत, चिरेखणींनी न्हावपाक गेल्ले कडेन ह्य सगल्यांक मरण आयलें. पावसाच्या दिसांनी जायते लोक तशेंच तरणाटे मजा करपाक घसघश्यार आनी चिरे खणींनी न्हावपाक वतात. देखून पावसाच्या दिसांनी बुडून मरण येवप्यांचो आंकडो वाडपाक शकता. गीमान जर ही परिस्थीती आसा जाल्यार पावसाळ्यांत कितें आसतली.
बुडून मरण येवपाच्या प्रकरण थांबोवपाखातीर सरकारान सगळ्या चिरे खणींचेर वयपांक बंदी घातल्या. तशेच प्रतिबंदात्मक उपाय येवजण्यो करपा खातीर चिरेखणींचो तशेंच हेर खणींचो सोद घेवपाची जापसालदारी जिल्होधिकार्यांनी मामेलदारांचेर सोपयल्या. चिरेखणींचें ठिकाण आनी म्हायती मेळ्ळ्या उपरांत थयसर सरयांचें वंय घालपा विशींचो आराखडो भौशीक बांदकाम खातें करतले.
म्हाल /घडणुको /बुडून मरण
बार्देस 2/ 2
दिवचल 5/ 2
काणकोण 2/ 2
मुरगांव 2/ 2
साश्ट 2/ 1
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
