भांगरभूंय | प्रतिनिधी
-आतां मेरेन 46.35 इंच पावसाची नोंद
पणजीः राज्यांत 1 जून ते 6 जुलय ह्या काळांत सरासरी 46.35 इंच पावस पडला. पावस चालू उरलो जाल्यार फुडल्या कांय दिसांनी पावस अर्द शेंकडो हुंपपाची शक्यताय आसा. अंदूं पावसाचें प्रमाण 4.5 टक्के चड आसा. मजगतीं, वाळपय सगळ्यांत चड 58.66 इंच पावस पडला. ते उपरांत सांगें 56.62 इंच आनी सांखळे 54.03 इंच पावस पडला.
हवामान खात्यान दिल्ले म्हायती प्रमाण राज्यांत 24 वरांत 1.70 इंच पावस पडलाे. केपें सगळ्यांत चड 3.54 इंच पावस पडला आनी ताचे उपरांत सांगें 3.12 इंच आनी वाळपय 2.96 इंच पावस पडलाे. शेनवारा पणजे चडांत चड तापमान 31.2 अंश आनी उण्यांत उणें तापमान 25.8 अंश नोंद जालां. मुरगांवां चडांत चड तापमान 28.8 डिग्री सेल्सियस आनी उण्यांत उणें तापमान 26.2 डिग्री सेल्सियस नोंद जालां.
फुडल्या पांच दिसां खातीर राज्यांत चडांत चड तापमान 29 ते 30 अंश जाल्यार उण्यांत उणें तापमान 26 अंश आसपाची शक्यताय आसा. 6 ते 10 जुलय ह्या काळांत मध्यम ते चड पावस पडपाचो अदमास खात्यान उक्तायला. ते प्रमाण ह्या पांच दिसां खातीर पावसाची येलो अलर्ट जारी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
