भांगरभूंय | प्रतिनिधी
पणजीः बुधवारा गोंयांत चडांत चड तापमानांत वाड जाली. दनपारां कांय वेळ पणजेंत ढगाळ हवामान आशिल्लें. बुधवारा पणजेचें तापमान चडांत चड 34 अंश आनी उण्यांत उणें तापमान 24 अंश नोंद जालां. मुरगांवां चडांत चड तापमान 34.1 अंश आनी उण्यांत उणें 23.8 अंश आशिल्लें. फुडले पांच दीस चडांत चड तापमान 33 ते 34 अंश सेल्सियस मदीं उरतलें असो अदमास हवामान खात्यान उक्तायला.
खात्याच्या स्वयंचलीत केंद्राच्या नोंदी प्रमाण बुधवारा साळगांवांत चडांत चड तापमान 35.8 अंश, मोपा 34.8 अंश, पेडण्यां 34.3 अंश आशिल्लें.
16 ते 21 जानेवारी मेरेन राज्यांतलें हवामान सुकें उरपाची शक्यताय आसा. ह्या वेळार कांय सुवातींनी धुकें पडपाची शक्यताय आसा. 16 तारखेक वाऱ्याचो वेग 35 ते 55 किमी. आसतलो, अशें हवामान विभागान कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
