भांगरभूंय | प्रतिनिधी
-नगर्सेच्या दत्तगुरुमंदिरांत शेनवार १ फेब्रुवारीक गणेश जयंती उत्सव मनयतले. सकाळी अभिशेक आनी हेर धर्मीक विधी जातले. दनपरां महाप्रसाद. सांजेवेळार ६ वरांचेर भजन, पालखी उत्सव, आरती सांगता जातली, अशें दत्तगुरु मंदिर ट्रस्टान कळयलां.
-उगें,सांगेंचो श्री हेमाडदेव सिध्देश्वर कोलो आयतारा २६ जानेवारीक आनी श्री वाघ्रेश्वर गणपती मुर्ती प्रतिष्ठापना, वर्धापनदीस, श्री गणेश जयंती आनी श्री कलनाथ मंदीरचो वर्धापनदीस सुवाळो व्हडा उमेदीन मनयतले. ह्या निमतान विवीध कार्यावळींचें आयोजन केलां. २७ जानेवारीक सकाळीं धर्मीक विधी आनी हेर सांस्कृतीक कार्यावळी जातल्यो. ३१ जानेवारीक रोजी श्री वाघ्रेश्वर गणपती मुर्ती प्रतिश्ठापना वर्धापन दिसा सकाळीं धर्मीक विधी आनी सांस्कृतीक कार्यावळी जातल्यो. शेनवार, १ फेब्रुवारीक श्री गणेश जयंती मनयतले. २ फेब्रुवारीक श्री कलेनाथ मंदिर जिर्णोद्धार वर्धापनदिसा निमतान विवीध कार्यावळींचें आयोजन केलां.
-गणेश जयंती निमतान १ फेब्रुवारीक सकाळीं ९ वरांचेर मोरजे श्री महादेव देवळाच्या वाठारांत गणेशपुजन आनी हेर धर्मीक विधी जातल्यो. १२.३० वरांचेर महाआरती आनी महाप्रसाद जातलो. तशेंच हेर सांस्कृतीक कार्यावळींचें आयोजन केलां.
-तोर्डा-पैठण हांगा श्री गणपती देवस्थानांत १ फेब्रुवारीक गणेश जयंती उत्सव मनयतले. दनपरां १२ वरांचेर बालगणेशाची मुर्ती पाळण्यांत घालतले. ताचे उपरांत आरती आनी म्हाप्रसाद जातलो. सांजेवेळार पालखी जातली. २ फेब्रुवारीक सकाळीं धर्मीक विधी, दनपरां महाप्रसाद आनी सांजेवेळार सांस्कृतीक कार्यावळींचें आयोजन केलां.
-श्री महागणपती देवस्थान, माशेलांत गणेश जयंती उत्सव जातलो. ह्या निमतान सकाळ सावन धर्मीक विधी जातल्यो. अभिशेक, आरती उपरांत दनपरां महाप्रसाद जातलो. सांजेवेळार सांस्कृतीक कार्यावळींचें आयोजन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
