भांगरभूंय | प्रतिनिधी
पणजी: गोंयांत नुस्तेमारी म्हाविद्यालय स्थापन करपाचे सरकाराचे यत्न आसा. ब्लू इकोनॉमीक उर्बा दिवन रोजगार तयार करपा सयत नुस्त्याच्या वाठारांत गोंय स्वयंपूर्ण जावपाक जाय, अशें मुख्यमंत्री डॉ. प्रमोद सावंत हांणी सांगलें.
पणजेत अॅक्वा गोवा नुस्तेमारी महोत्सवाचें उक्तावण जालें. ह्या वेळार ते उलयताले. कार्यावळीक नुस्तेमारी खात्याचे मंत्री नीळकंठ हळर्णकार, आमदार कृष्णा साळकार, आमदार रूडाेल्फ फर्नांंडीस आनी अधिकारी हाजीर आशिल्ले.
गोंयच्यो दर्यादेगो ह्यो पुराय संवसारात फामाद आसात. दर्या पळोवपा खातीर पर्यटक गोंयांत येतात. नुस्तेमारी सयत दर्याचो चडांत चड वापर जावपाक जाय. हातूंतल्यान रोजगार निर्माण जावप शक्य आसा. ब्लू इकोनॉमीक उर्बा दिवपा खातीर सरकारान तरेकवार येवजण्यो सुरू केल्यात. हाचो लाव नुस्तेमाऱ्यांनी घेवपाक जाय. दर्या आनी उदकाचे स्रोत नितळ दवरपाची सगल्यांची जापसालदारकी आसा. नुस्तेमारीचे तंत्रज्ञान तशेंच तरेकवार प्रकारचे नुस्तें पळोपाची संद ह्या महोत्सवांत मेळटा, अशें मुख्यमंत्री डॉ. प्रमोद सावंत हांणी सांगलें.
महोत्सवांत नुस्त्याच्या स्टॉला सयत तरेकवार सांस्कृतीक कार्यावळींचे आयोजन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
