भांगरभूंय | प्रतिनिधी
पणजीः गोंयांत 3 ते 6 जुलय ह्या काळांत कांय सुवातींनी मध्यम ते नेटान पावस पडपाची शक्यताय आसा. हाचे प्रमाण हवामान खात्यान ह्या चार दीस पावसाचो येलो अलर्ट जारी केला. राज्यांत 24 वरांत सरासरी 24.2 मिमि. पावस पडला. काणकोण आनी म्हापासा हांगा सगळ्यांत चड 1.89 इंच पावस पडला.
मंगळारा पणजे चडांत चड तापमान 31.5 अंश आनी उण्यांत उणें तापमान 25.9 अंश नोंद जालां. मुरगांवांत चडांत चड तापमान 30.8 अंश जाल्यार उण्यांत उणें तापमान 26.4 अंश आसा. पंजीतांत सापेक्ष आर्द्रताय 84 टक्के आनी मुरगांवांत 89 टक्के आशिल्ली. फुडले पांच दीस राज्यांत चडांत चड तापमान 29 ते 32 अंश आनी उण्यांत उणें तापमान 26 अंश सेल्सियस आसपाची शक्यताय हवामान खात्यान उक्तायल्या.
राज्यांत 1 जून ते 2 जुलय ह्या काळांत सरासरी 39.04 इंच पावस पडला. ह्या काळांत सरासरी 38.97 इंच पावस पडटा. अंदूं पावसाचें प्रमाण 0.2 टक्क्यांनी चड आसा. ह्या काळांत सांखळे हांगा सगळ्यांत चड 46.94 इंच पावस पडला. हाचे उपरांत सांगें 44.45 इंच आनी काणकोणां 43.63 इंच पावस पडला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.