भांगरभूंय | प्रतिनिधी
पणजी : जीएमसींत कोविडाचो आनीक एक दुयेंती सांपडिल्ल्यान सक्रीय दुयेंतींची संख्या 9 जाल्या. गोंयांत कोवीड पुराय तरेन नियंत्रणांत आशिल्ल्यान सरकारान ते संबंदांत मार्गदर्शक तत्वां जारी करूंक नात, पूण जीएमसींत उपचारा खातीर येवपी दुयेंतींनी मास्क लावपाची सुचोवणी केल्या, अशी म्हायती जीएमसींतल्या दोतोरांनी शेनवारा ‘भांगरभूंय’ कडेन उलयतना दिली.
फाटल्या कांय म्हयन्यां सावन गोंया शेजारच्या महाराष्ट्र, कर्नाटका सयत हेर कांय राज्यांनी कोवीड दुयेंतींची वाड जाल्या. तातूंत कांय जाणांक मरण लेगीत आयलां. अशे स्थितींत गोंयांत कोविडाचे 8 सक्रीय दुयेंती आशिल्ल्याचें मुखार आयलें. शुक्रारा तपासणी वेळार आनीक एके व्यक्तींत कोविडाचीं लक्षणां दिसलीं. ताका लागून सक्रीय दुयेंतींची संख्या 9 जाल्या. सगळे सक्रीय दुयेंती सध्या घराच विलगीकरणांत आसात. सगळ्यांची भलायकी बरी आसा, अशेंय दोतोरांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
