भांगरभूंय | प्रतिनिधी
नव्या कामगार कायद्यांची गोंयांत रोकडीच कार्यवाय
पणजी : केंद्र सरकारान जे नवे कामगार कायदे लागू केल्यात तांची गोंयांत रोकडीच कार्यवाय जातली. सगळ्या कामगारांक योग्य तें वेतन मेळटलें आनी कामगारांचे शोशण जावचें ना, अशें मुख्यमंत्री डॉ. प्रमोद सावंत हांणी सांगलां.
कामगारांच्या शोशणाचेर बंदी येवपा सयत सगळ्यांक किमान वेतन मेळपा खातीर केंद्रान नवे कामगार कायदे लागू केल्या. ह्या कायद्यांक हांव येवकार दितां. सगळ्यांक कामा प्रमाण समान वेतन दिवपा सयत डिजीटल पद्दतीन वेतन दिवपाक सुरवात जातली. दादलो आसू वा बायल आसू, सगळ्यांक समान वेतन मेळटले. दादलो वा बायल असो भेदभाव जावचो ना. गोंयांत कामगारांक बरो पगार मेळटा. तशेच कामगारांचे शोशण लेगीत जाय ना. हे फुडें लेगीत कामगारांचे केन्नाच शोशण जावचे ना, अशी हमी मुख्यमंत्री डॉ. प्रमोद सावंत हांणी कामगार कायद्या विशीं उलयताना दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
