भांगरभूंय | प्रतिनिधी
-पणजे हिंदू राष्ट्र-जागृती आंदोलकांची मागणीपणजीः फाटल्या कांय म्हयन्यां सावन बांगलादेशांत हिंदू देवळां, घरां, दुकानां नश्ट जाल्यांत आनी हिंदू फुडाऱ्यांक फटीच्या आरोपा खाला बंदखणींत घाल्यात. एके वटेन बांगलादेशांतल्या हिंदूंची छळणूक चालू आसा आनी दुसरे वटेन बांगलादेशांतल्या घुसखोरांक भारत एक स्वर्ग जाला. ताका लागून भारतांत सगळे कडेन बांगलादेशी घुसखोरी करप्यां आड खर तिडकेचें ल्हार आयल्या. बांगलादेशी घुसखोरी गोंयांत येवन रावपाक लागल्यात हाचीं जायतीं उदाहरणां उजवाडाक आयल्यात. हे फाटभुंयेर हिंदू राष्ट्र समन्वय समितीन बांगलादेशी घुसखोरांक गोंयांतल्यानच न्हय जाल्यार देशांतल्यान धांवडावन घालचे, अशी मागणी केल्या.
1960 वर्सा आझाद मैदानांत आयोजीत केल्ल्या हिंदू राष्ट्र-जागृती आंदोलना वरवीं गोंयांत राष्ट्रीय नागरीक नोंदणी (एनआरसी) चालीक लावची. पणजे काल 4 जानेवारीक हिंदू रक्षा महा अघाडी, विश्व हिंदू परिशद, इस्कॉन, बजरंग दल, भारत माता की जय, गोमंतक मंदीर फेडरेशन, आस्नोडेंचे शिवप्रेमी, हिंदू जनजागृती समिती, रणरागिणी, सनातन संस्था आदी संस्थांनी हे चळवळींत वांटो घेतिल्लो.
आंदोलनाचे सुरवातीक युवराज गावकार हांणी आंदोलनाचो हेतू सांगलो. हाचे उपरांत मानेस्तांनी लोकांक मार्गदर्शन केलें. तशेंच ह्या वेळार सरकारा कडेन मागणी केल्ली. गोंयांतल्या वेगवेगळ्या वेवसायांत वांटो घेवपी बांगलादेशी घुसखोरांक कोण आदार दिता तें सोदून काडात आनी तांचे आड कारवाय करात. घुसखोरांची वळेरी आनी फोटो संबंदीत वाठारांनी पातळावचे. रोजगार दितना संबंदीत व्यक्तींची फाटभूंय योग्य रितीन तपासची, दुबाव आशिल्ल्यांक खंयच नोकरी मेळची न्हय, बिराडाक घेवचे न्हय वा घर विकतें दिवचें न्हय अशी वेवस्था करची, आनी घुसखोरांक आलाशिरो दिवपी लोकांचेरूय खर कारवाय करची. कोणाकच बेकायदेशीर रितीन देशाची शीम हुंपून भारतांत येवपाचें धाडस जावचें न्हय म्हणून ह्या घुसखोरांचेर खर दंडात्मक कारवाय करची. शिंदळकी वेवसायांत वांटो घेवपी बांगलादेशी नागरिकांची म्हायती मेळ्ळी तरी पुलिसांनी तांचे आड पुलिसांनी कसलीच कारवाय केल्ली दिसना.
आंदोलनाचे निमाणे वयल्या मागण्यां संबंदीं सत्यविजय नायक हांणी प्रस्तावीत केल्ल्या थारावांक सगळ्यांनी मान्यताय दिली. ही मागणी राज्य आनी केंद्र सरकारांक धाडटले. नितीन फळदेसाय, विश्व हिंदू परिशदेचे संजीव कोरगांवकार आनी गोमंतक मंदिर महासंघाचे जयेश थळी आनी हेरांचे ह्या वेळार उलोवप जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
