भांगरभूंय | प्रतिनिधी
आदिवासी विद्यार्थी संमेलनाचें उक्तावण
पणजी, प्रतिनिधी : राज्यांत आतां बीए पदवी घेवपा सयत हॉस्पिटेलिटी विशयांत पदविका अभ्यासक्रम पुराय करपाची संद आसा. ड्युएल पदवी मेळपाचे सुविधेचो विद्यार्थ्यांनी लाव घेवपाची गरज आसा, अशें मुख्यमंत्री डॉ. प्रमोद सावंत हांणी सांगलें.
वेर्णा आयज आदिवासी विद्यार्थी संमेलनाचें उक्तावण जालें. त्या वेळार ते उलयताले. राज्यांत आतां शिक्षणाच्यो सगळ्यो सुविधा उपलब्ध आसात. पयशें ना म्हूण गोंयांत तरी कोणाचेंच शिक्षण उरूंक शकना. शिश्यवृत्ती आसाच, हे भायर सवलतीच्या दरात शिक्षणा खातीर रिण मेळटा. वैजकी, अभियांत्रिकी सयत कायदो, फार्मसी, कुशळटाय, पर्यटन, नर्सिंग अशे सगळे प्रकारचे अभ्यासक्रम गोंयांत आसात. अनुसूचित जाती, जमाती हांचे खातीर राखीव जागे आसले तरी राखीव कोट्यांतूय आतां सर्त सुरू जाल्या. अनुसूचित जाती, जमातींतलीं भुरगीं पसून आतां बरीं शिकपाक लागल्यांत. नोकरे खातीर फकत पदवी मेळप पुराय जावचें ना. कुशळटाय प्रशिक्षण वा वेवसायिक शिक्षण घेवपाची गरज आसा. धावी पास जाले उपरांत गोंय लोकसेवा आयोग परिक्षेची तयारी सुरू करपाक जाय. कर्मचारी भरती आयोग, बँकींग, रेल्वे भरतीच्या परिक्षेची तयारी पयलीं सावन सुरू करपाक जाय, असो सल्लो डॉ. सावंत हांणी दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
