भांगरभूंय | प्रतिनिधी
भांगरभूंय । पत्रक
पणजीः पणजी जिमखाना हांगा हालींच जाल्ल्या जेडी डिझायन पुरस्कार 2022 कार्यावळींत गोंयांतल्या सात विद्यार्थ्यांनी फॅशन डिझायनाच्या वेगवेगळ्या श्रेणींत पुरस्कार मेळयले. तांणी ‘नॅचर सिंक’ हे थिमी खाला काम केलें आनी जायत्यो संकल्पना मांडल्यो, तंत्रगिन्यान आनी पर्यावरण हाचे कडेन त्यो संबंदित आसात.
पुरस्कार मेळयल्ले सातूय जाण गोंय विद्यापिठा कडेन संलग्न आशिल्ल्या जेडी इन्स्टिट्यूट ऑफ फॅशन टेक्नॉलॉजी आनी जेडी स्कूल ऑफ डिझाइन, गोंयचे विद्यार्थी आसात. तांणी मेळयल्ले पुरस्कार फुडले भशेन आसात-
डेनिशा फर्नांडीस हाचें “नॅटिविडेड” (सर्वोत्कृष्ट प्रीट वेअर कलेक्शन), अनामिका चौहान हाचें “डेअर टू बी द डँडेलियन” (सर्वोत्कृष्ट प्रिट वेअर कलेक्शन), ब्रिटनी पाशेकोचें “रेपोन” (सर्वोत्कृष्ट सस्टेनेबिलिटी कलेक्शन), जेझरिल मार्टिन्साचें “नेचर फूटप्रिंट”( स्पेशल ज्युरी अवॉर्ड), हृतिका साळगावकर हाचें “ओन्ली वन अर्थ”(सस्टेनेबल प्रेट वेअर), विपुल गांवकाराचें “आफ्टर द पार्टी” (सर्वोत्कृष्ट क्रिएटिव्ह संकल्पना) आनी डिओने डायसाचें “फ्लोरिश” (सर्वोत्कृष्ट डिझायनर कलेक्शन) .
जेडी संस्था 1988 सावन फॅशन डिझायनाचें शिक्षण दिता. तांणी पोरूं भारतीय डिशायन उद्देगाक जायते डिझायनर्स दिल्यात. जेडी इन्स्टिट्यूट गोंय विद्यापीठ तशेंच सिंघानिया विद्यापीठ आनी जायती आंतरराष्ट्रीय म्हाविद्यलयां आनी संघटनां कडेन संलग्न आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
