भांगरभूंय | प्रतिनिधी
मुख्यमंत्र्यांक समाज कार्यकर्त्यांचें निवेदन
म्हापशें ः केंद्रीय ऊर्जा मंत्री मनोहर लाल खट्टर हांणी गोंयांत अणुऊर्जा प्रकल्प उबारपा खातीर वेव्हार्यता सोदपाच्या प्रस्तावाक आमचो खर आक्षेप आसा. सरकारान प्रकल्पाचो हो प्रस्ताव पुरायेन न्हयकारचो आनी गोंयांक अणुमुक्त क्षेत्र घोशीत करचें अशी मागणी कांय समाज वावुरप्यांनी मुख्यमंत्री डॉ. प्रमोद सावंत हांचे कडेन निवेदना वरवीं केल्या.
राज्यपाल हांचे सयत राष्ट्रपती, प्रधानमंत्री आनी केंद्रीय ऊर्जामंत्री मनोहर लाल खट्टर हांकां ह्या निवेदनाची प्रत धाडल्या. समाजीक कार्यकर्ते शंकर पोळजी, संजय बर्डे आनी रामा काणकोणकार हांणी हें निवेदन सादर करीत वयली मागणी केली.
आमी गोंयचे अधोरेखीत नागरीक आनी कार्यकर्ते आशिल्ल्यान केंद्रीय ऊर्जा मंत्र्यांनी अणुऊर्जा प्रकल्प उबारपा विशींचो प्रस्ताव अस्वीकार्य आसा. गोंयच्या संक्षीप्त आकाच, उच्च लोकसंख्येची घनता, समृध्द जैवविविधताय आनी पर्यटन चालीक अर्थव्यवस्था. यामुळे अणुऊर्जा प्रकल्पा खातीर सगल्यांत उणें योग्यतेच्या ठिकाणां मदलो एक हा प्रदेश आसा. अशा प्रकल्पांचे धोके बरेच आनी अपरिवर्तनीय आसात.
अणु अपघातांचो धोको, पर्यावरणीय आनी पर्यावरणशास्त्राचेर परिणाम, भौशीक भलायकी आनी सुरक्षितता, सुरक्षा आनी दहशतवादाचो धोको, अर्थीक आनी समाजीक आडखळ आनी बर्या पर्यायांचें अस्तित्व ह्या मुखेल स मुद्यांचेर अणुऊर्जा प्रकल्पाचो परिणाम जातलो.
हाका लागून गोंय अणुमुक्त क्षेत्र घोशीत करपा वांगडा अक्षय ऊर्जा गुंतवणुकीक प्राधान्य दिवचेंे. खंयच्याय उच्च धोको आशिल्ल्या पायांभूत सुविधांचो विचार करचे पयलीं भौशीक सल्लो घेवचो, प्रस्तावीत प्रकल्पाक लागून आपलें पर्यावरण, भलायकी, अर्थवेवस्था आनी येवपी ४ पिळग्यो धोक्यांत येवपाक शकतात.
राज्याची सुरक्षा आनी वळख राखपाक गोंयच्या लोकां वांगडा आमी उबे आसात, असो उलोय ह्या निवेदनांतल्यान वयल्या समाज कार्यकर्त्यांनी मुख्यमंत्र्यांकडेन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
