भांगरभूंय | प्रतिनिधी
-फाटल्या पांच वर्सांची आंकडेवारीपणजीः केंद्रीय आदिवासी कल्याण मंत्रालयाच्या शिश्यवृत्ती येवजणेचो फाटल्या पांच वर्सांत गोंयांत 33 हजार एसटी समुदायांतल्या विद्यार्थ्यांनी लाव घेतला. पूण हे येवजणेचो लाव घेवपी 12 वी पास भुरग्यांचो आकडो धावी पास भुरग्यां परस चड आसा. बारावी पास जाल्ल्या 22 हजार भुरग्यांनी जाल्यार धावी पास जाल्ल्या 11 हजार भुरग्यांनी हे येवजणेचो लाव घेतला. हे खातीर केंद्रान 31 कोटी खर्च केल्यात. जाल्यार 12 वी फुडल्या शिक्षणा खातीरच्यो शिश्यवृत्ती येवजणेचो गोंयच्यान सामकोच उणो म्हणल्यार शुन्य प्रतिसाद मेळ्ळा, अशी म्हायती केंद्रीय आदिवासी कल्याण खात्यान दिल्या.
धावी आनी बारावी परिक्षेंत बरी कामगीरी करपी एसटी भुरग्यांक आधार दिवपा खातीर केंद्रीय आदिवासी कल्याण मंत्रालयाची शिश्यवृती येवजण आसा. हे येवजणेचो कितल्या गोंयच्या एसटी भुरग्यांनी लाव घेतला हे विशींचीं फाटल्या पांच वर्सांतली आंकडेवारी मंत्रालयान जारी केल्या.
फाटल्या पांच वर्सांत धावी पास जाल्ल्या 11,638 एसटी विद्यार्थ्यांनी हे येवजणेचो लाव घेतला. 2019-20 वर्सात 3,378 विद्यार्थ्यांनी, 2020-21 त 2,054 विद्यार्थ्यांनी, 2021-22 त 1,978 विद्यार्थ्यांनी, 2022-23 त 2,108 विद्यार्थ्यांनी आनी 2023-24 त 1,670 विद्यार्थ्यांनी ह्या येवजणेचो लाव घेतला.
जाल्यार फाटल्या पांच वर्सांत बारावी पास जाल्ल्या 22,488 विद्यार्थ्यांनी हे येवजणेचो लाव घेतला. 2019-20 वर्सात 5,870 विद्यार्थ्यांनी, 2020-21 त 4,833 विद्यार्थ्यांनी, 2021-22 त 4,072 विद्यार्थ्यांनी, 2022-23 त 4,439 विद्यार्थ्यांनी आनी 2023-24 त 3,274 विद्यार्थ्यांनी हे येवजणेचो लाव घेतला.
धावी यत्तेच्या 11,638 भुरग्यांक शिश्यवृत्ती दिवपा खातीर केंद्रान राज्य सरकाराक 2.81 कोटी इतलो निधी दिला. 2019-20 वर्सा रु. 80.56 लाख, 2020-21त रु. 41.35 लाख, 2021-22 त शून्य, 2022-23 त रु. 1.08 कोटी आनी 2023-24 त 52.50 लाख इतलो निधा केंद्रान राज्य सरकारांक दिला.
धावी यत्तेच्या 11,638 भुरग्यांक शिश्यवृत्ती दिवपा खातीर केंद्रान राज्य सरकाराक 2.81 कोटी इतलो निधी दिला. 2019-20 त रु. 80.56 लाख, 2020-21 त रु. 41.35 लाख, 2021-22 त शून्य, 2022-23 त रु. 1.08 कोटी आनी 2023-24 त 52.50 लाख इतलो निधी केंद्रान राज्य सरकाराक दिला.
बारावी यत्तेच्या 22,488 भुरग्यांक शिश्यवृत्ती दिवपा खातीर केंद्रान राज्य सरकाराक 29.03 कोटी निधी दिला. 2019-20 वर्सात रु. 7.32 कोटी, 2020-21 त रु. 4.58 कोटी, 2021-22 त शून्य, 2022-23 त रु. 11.87 कोटी आनी 2023-24 त रु. 5.26 कोटी निधी केंद्रान राज्य सरकाराक दिला.
——————–
बारावी उपरांत फुडलें शिक्षण घेवपाक मेळटा शिश्यवृत्ती
मजगतीं, बारावी उपरांत फुडले शिक्षण घेवपा खातीरुय केंद्रीय आदिवासी कल्याण मंत्रालयाची शिश्यवृत्ती येवजण आसा. तातुंतली एक राष्ट्रीय शिश्यवृत्ती येवजण खाला शिक्षणांत बरी कामगिरी करपी भुरग्यांक महाविद्यालयांत शिकपा खातीरचो खर्च म्हूण निधी मेळटा. हे येवजणेचो गोंयच्या फक्त 6 एसटी भुरग्यांनी लाव घेतला. तशेंच देशा भायर वचून शिक्षण घेतले जाल्यार मंत्रालयाची राष्ट्रीय ओव्हरसीस येवजण आसा. हे येवजणे खाला देशा भायल्या महाविद्यालयांनी शिक्षण घेवपा खातीर अर्थीक मजत मेळटा. पूण गोंयच्या एकाय एसटी भुरग्यान हे येवजणेचो लाव घेवंक ना, अशी म्हायती मंत्रालयान दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
