भांगरभूंय | प्रतिनिधी
पणजी : गोंयच्या ७ उत्कृश्ट शिक्षकांक फाल्यां म्हळ्यार ५ सप्टेंबराक ‘मुख्यमंत्री वशिश्ट गुरू’ पुरस्कार भेटयतले. मुख्यमंत्री डॉ. प्रमोद सावंत हांचे हस्तुकीं हे पुरस्कार दितले. ५ सप्टेंबराक शिक्षक दीस मनयतात. भारताचे आदले राष्ट्रपती डॉ. सर्वपल्ली राधाकृष्णन हांच्या जयंती निमतान शिक्षकां विशीं सन्मान उक्तावपा खातीर हो दीस मनयतात. हेच फाटभूंयेर फाल्यां गोंयच्या ८ शिक्षकांक ‘मुख्यमंत्री वशिश्ट गुरु’ पुरस्कार भेटयतले.
७ शिक्षकांचीं नांवां
मोपा-पेडणेंच्या सरकारी मुळावे शाळेचे शिक्षक महेश कशाळकार, पैंगीण-काणकोणच्या सरकारी मुळावे शाळेची शिक्षिका प्रतिमा गांवकार, इब्रामपूर-पेडणेंच्या सांतेरी विद्यामंदीर शाळेचे शिक्षक सुधीर नायक, सुर्ला-दिवचलच्या रामनाथ नाईक मेमोरियल सरकारी विद्यालयाच्या कला विशयाची शिक्षिका ज्योती सिनारी, म्हार्दोळ-प्रियोळाच्या एसएसएम स्वास्तिक विद्यालयाचे मुख्याध्यापक शिरीषकुमार आमशेंकार, कुजिराच्या वसंतराव धेंपो उच्च माध्यमीक विद्यालयाचे शिक्षक शिरीष भिडे आनी कोलवाळेच्या डॉ. आंबेडकर उच्च माध्यमीक विद्यालयाचे प्राचार्य विठ्ठल पार्सेकार ह्या शिक्षकांक फाल्यां भोवमानीत करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
