भांगरभूंय | प्रतिनिधी
गोंयच्या शेर बहादूरान वुशूंत खेळांत रुप्या पदक जिखलें. ह्या पदका सयत 37वे राष्ट्रीय खेळां सर्तींत गोंयच्या वट्ट पदकांची संख्या 48चेर पावली. वुशू खेळां सर्त पणजीच्या कांपाल खेळां गांवांत जाली.
शेर बहादूरान तौलो नांगून प्रकारांत मणिपूराच्या युरेम्बम बोनिश उपरांत वट्ट 8.85 गूण मेळयलें. हिमाचल प्रदेशाच्या प्रशांत मन्हासान कांश्या पदक जोडलें.
वुशू खेळांत गोंयान मेळयिल्लें हें तिसरें पदक थारलें. येजमान गोंयान सर्तीच्या पयल्या दोन दिसांनी एक रुप्या पदक आनी एक कांश्या पदक जिखिल्लें.
गोंय सध्या 10 भांगरा पदकां, 12 रुप्या पदकां आनी 26 कांश्या पदकां सयत पदक तकट्यांत 11वे सुवातेर आसा.
मजगतीं, गोंयच्या आकाश गोरखान लायट वेल्टर वेट प्रकारांत मणिपूराच्या रोहित निंगेहौगनाक 5-0 अशा फरकान हारोवन फुडले फेरयेंत सुवात मेळयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
