भांगरभूंय | प्रतिनिधी
भांगरभूंय । प्रतिनिधी
पेडणेः गोंयच्या पारंपरीक शिगमोत्सवाक सध्या गोंय सरकाराचो राजाश्रय मेळपाक लागल्ल्यान लोक आतां तातूंत व्हडा संख्येन वाटेंकार जावपाक लागल्यात. लोक कलाकारांचें कलेक ह्या माध्यमांतल्यान उर्बा दिवपाचें काम जाता अशें वीजमंत्री सुदिन ढवळीकार हांणी मांद्रे हांगा सरकारी शिगमोत्सव मिरवणुकेक सुरवात करून दिल्या उपरांत सांगलें.
मांद्रे हांगा पयल्याच फावट राज्य पांवड्या वयली शिगमो मिरवणूक जाली. तातूंत चित्ररथ, रोमटां मेळ, लोकनाच आनी हेर सांस्कृतीक कार्यावळीची हाजीर आशिल्ल्या लोकांनी मजा घेतली. मांद्रे उदरगत संथा आनी आमदार जीत आरोलकार हांका लागून पेडण्यांतल्या लोकांक शिगम्याची पर्वणी मेळ्ळी.
पर्यटन मंत्री रोहन खवंटे, आमदार जीत आरोलकर, मांद्रे शिमग्मोत्सव आयोजन समितीचेोअध्यक्ष रुपेश सावंत, मांद्रेचो सरपंच अमित सावंत, तुये सरपंच सुलक्षा नायक,,गुणाजी ठाकूर, पार्सेचो सरपंच अजय कळंगुटकर, उपसरपंच तारा हडफडकर, आयोजन समिती महिला अध्यक्ष सुप्रिया खर्बे, केरीची सरपंच सुलक्षा तलकर, आगरवाडा सरपंच अँथनी फर्नांडीस, विर्नोर्डेंची सरपंच सुजाता ठाकूर, उपसरपंच दामोदर नायक, आदलो जिल्हो पंचायत वांगडी श्रीधर मांद्रेकार, तुयेंचो आदलो सरपंच किशोर नायक, उल्हास नायक, शिगमो मिरवणुकेंत वांटेकार जाल्ले.
शिगमोत्सवातल्यान आमची संस्कृती फुडें व्हरपाचें काम सरकार करता अशें पर्यटन मंत्री रोहन खवंटेन सांगलें. आमदार जीत आरोलकारान अन्न महोत्सव आनी कार्नवाल येसस्वी केल्या उपरांत शिगमोत्सव येसस्वी करून दाखोवन केले विशींचो आपलो मोग दाखोवन दिला अशेंय तांणे सांगलें. शिगमो मिरवणुकेच्या निमतान मांद्रे वाठारांत भगवती सप्तेश्वर देवूळ तें मधलामाज मेरेन रस्ताचे दोनूय वटेन विद्युत रोशणाई केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
