भांगरभूंय | प्रतिनिधी
बिट्स पिलानी कॅम्पसांत जाली कार्यावळ
वास्को: गोंय सरकारच्या म्हायती तंत्रज्ञान, इलेक्ट्रोनिक्स आनी कम्युनिकेशन्स विभागा खाला स्टार्टअप आनी आयटी प्रमोशन सेलान बिट्स पिलानी कॅम्पसांत ‘फ्लीप द क्लासरूम: फ्रॉम प्रॉब्लेम्स टू प्रोग्रेस’ ही कार्यावळ आयोजीत केली. मुळांत फावंडर्स क्लब, शिक्षण आनी नेटवर्किंगे खातीर तयार केल्लो मंच आसा. आतां हो उपक्रम ‘फ्लीप द क्लासरूम’ ह्या प्रभावशाली कार्यावळींत विकसीत जाला. ह्या कार्यावळीन स्टार्टआपाक तांच्या वास्तवीक जगांतल्या आव्हानांक कशें सामकार वचप हे विशीं मार्गदर्शन केलें.
आयआयटी/आयआयएम संस्थेचे कार्यावळ वेवस्थापक आनी आयव्हीकॅप व्हेंचर्सांतले आदले विद्यार्थी रुपाली चौधरी, अटल इनक्युबेशन सेंटर (जीआयएम) तले इनक्युबेशन वेवस्थापक आनी स्टार्टअप इकोसिस्टम सक्षम करपी अभिषेक गुप्ता आनी बिल्ड 3त स्टार्टअप आनी उद्देजकता कार्यावळ अग्रणी जी. संपत आनी बिट्स बायोसिटी फावंडेशन टीम हे कार्यावळीक हाजीर आशिल्ले.
ह्या वेळार विवीध स्टार्टअपाच्या संस्थापकांक तांच्या स्टार्टअप मुखा वेलीं आव्हान तज्ञां मुखार मांडून ताचेर उपाय सोदपाची संद मेळ्ळी. ‘फ्लीप द क्लासरूम’ आतां एक अशी माची म्हूण काम करता जंय स्टार्टअपाचे संस्थापक तांच्यो समस्या मांडूंक शकतात. सहकारी नेटवर्क साखळी हे समस्ये वेली वेव्हारीक आनी नाविन्यपूर्ण उपाय सोदपा खातीर एकठांय काम करता.
जीडीपी फावंडेशनाचे वेवस्थापकी विश्वस्त किशोर शाह हांणी चर्चासत्राचें सुत्रसंचालन केलें. ह्या चर्चासत्रांत इव्हॅक सेफ प्रायव्हेट लिमिटेडाचे संस्थापक आनी मुखेल दूरदर्शी अधिकारी नितीन नायक हांचे सयत न्युट्री कोकोचे जोड संस्थापक हाजीर आशिल्ले. ह्या वेळार मानेस्तांनी वेगळ्यावेगळ्या विशयांचेर चर्चा केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
