भांगरभूंय | प्रतिनिधी
मिडिया प्रमोशन्स अँड हॉस्पिटॅलिटी फर्स्ट हांणी आयोजीत केल्ल्या हॉटेल आनी रेस्टॉरंट उपकरणांचें गोंयचें सगळ्यांत व्हडलें प्रदर्शन ‘गोवा हॉस्पिटॅलिटी शो’चे धावे आवृत्तीचें आयज ताळगांवां कम्युनिटी सेंटरांत उक्तावण जालें. तें शुक्रारा २५ आॅगस्टाक सांजवेळा साडेसात मेरेन उक्तें आसतलें. स्टॉलांची संख्या आनी भारतांत पयलेच खेपे आपले ब्रँड दाखोवपी राष्ट्रीय आनी आंतरराष्ट्रीय कंपनींक लागून हें प्रदर्शन देशांतलें एक नावाजतें प्रदर्शन थारलां.
ह्या प्रदर्शनाक ट्रॅव्हल अँड टूरिझम असोसिएशन ऑफ गोवा, स्काल इंटरनॅशनल गोवा, गोवा हॉटेल्स अँड रेस्टॉरंट असोसिएशन आनी कुलिनरी फोरम ऑफ गोवा, 2019 हांचो आदार आसा.
एक्स्पोचें उक्तावण मुखेल सोयरी अभिनेत्री आनी हॅपी सोलची संस्थापक पूजा बेदी हिणें आडवाणी हॉटेल्स आनी रिसॉर्ट्साचे वेवस्थापकी संचालक सुंदर आडवाणी हांचे हाजिरेंत केलें. राजेश धेंपो (सीएमडी, व्हिजन धेंपो गट); गौरीश धोंड (अध्यक्ष – गोवा हॉटेल आनी रेस्टॉरंट असोसिएशन), टीटीएजीचे अध्यक्ष निलेश शाह; गोंयच्या क्युलिनरी फोरमाचे अध्यक्ष शेफ रणजीत पांडे आनी मिडिया प्रमोशन्स आनी हॉस्पिटॅलिटी फर्स्टाचे संचालक केदार धुमे, क्लायव सेक्वेरा आनी प्रदीप गोपालन, चेतन साळवी आनी आशीष कोहली ह्या वेळार हाजीर आशिल्ले.
उक्तावणा उपरांत सोयऱ्यांनी प्रदर्शनां विशीं म्हायती घेतली. खाशेल्या आकर्शणां मदीं रांदचीकूड उपकरणां, फ्रिज, कंवचेचीं आयदनां, कटलरी उत्पादनां , अन्न आनी पेय प्रक्रिया उपकरणां, बार आनी सोरो सामान, च्या आनी कॉफी उपकरणां, ब्रूइंग मशीनरी आनी उत्पादनां, अन्न संयुग आनी घटक हांचे प्रदर्शन हांचो आस्पाव जाता. स्पिरिट, बियरी, ब्रेड आनी बेकरी, ऑर्गेनिक उत्पादनां, दर्यांतलें खाण, मांस आनी कुकडां, कॉफी आनी च्या ,थंड आनी गोठयल्लें अन्न ,रस आनी ऊर्जा पेयां, मिठाय /चॉकलेटी /गोड पदार्थ, दुदाचे पदार्थ, दूरचित्रवाणी आनी संगीत प्रणाली, दूरध्वनी आनी संचारण प्रणाली, सीसीटीव्ही आनी सुरक्षा प्रणाली, सुरक्षा निरिक्षण प्रणाली, नेटवर्क आनी प्रवेश नियंत्रण संवेदक, हॉटेल म्हायती प्रणाली (हार्डवेअर आनी सॉफ्टवॅर), वातानुकूलन प्रणाली, रेस्टॉरंट फर्निचर आनी बाग फर्निचर, लाऊंज फर्निचर, इको-लायटिंग उपाय, इंटीरियर डेकोर सोल्युशन्स, वाॅल्ट, खाटी, चादरी आनी हेर जायतीं अभिनव उत्पादनां आसात. तातूंतलीं कांय भारतांत पयलेच खेपे हाडल्यांत. राष्ट्रीय आनी आंतरराष्ट्रीय ब्रँडां सयत 500 वयर उत्पादनां दाखोवपी 100 परस चड कंपनी आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
