भांगरभूंय | प्रतिनिधी
पर्वरी क्रिकेट अकादमीचेर मणिपूर पंगडा आड चालू आशिल्ले प्लेट गटांतले चार दिसांचे रणजी मॅचीचेर आपलो शेक दवरलो. काल पावसाक लागून खेळ थांबयलो त्या वेळार पयल्या डावांत 287 धांवड्यांनी फाटीं आशिल्ल्या मणिपूरान फॉलोऑना उपरांत दुसऱ्या डावांत 1 बाद 55 धांवड्यो केल्ल्यो. मणिपूराक डावान हार वांटावपा खातीर अजून 223 धांवड्यांची गरज आसा.
काल 7 बाद 302 धांवड्यां वयल्यान मुखार खेळपाक सुरवात करपी गोंयाचो पयलो डाव 109.2 ओव्हरींनी 376 धांवड्यांचेर सोंपलो. नाबाद 39 धांवड्यांचेर खेळपी समर दुभाषीन आपलो अर्द शेंकडो पुर्ण केलो. ताणें 139 बॉलांनी 7 चवक्यांचे मजतीन 75 धांवड्यो केल्यो. ताणें आनी ऋत्विक नायकान आठवे विकेटी खातीर 56 धांवड्यांची भागिदारी केली.
मणिपूरा वतीन रॅक्स सिंग, बिश्वोरजीत, प्रियोजीत आनी अजय सिंग हाणें दरेकी 2 विकेटी घेतल्यो.
ते उपरांत बॅटिंगेक आयिल्ल्या मणिपूराचो डाव गोंयच्या बॉलरांनी फकत 98 धांवड्यांचेर सोंपयलो. तांच्या प्रफुल्लोमणीन सगल्यांत चड 25 जाल्यार करणजीतान 17 धांवड्यो केल्यो. गोंया वतीन रणजी क्रिकेटींत पदार्पण करपी फास्ट बॉलर शुभम तारीन 5 विकेटी घेतल्यो. ताचे खेरीत ऋत्विक नायक आनी मोहीत रेडकार हाणें दरेकी 2 विकेटी घेतल्यो. दर्शन मिशाळाक एक विकेट फावो जाली.
दुसऱ्या डावांत मणिपूरान खेळ थांबयलो त्या वेळार 1 विकेट व्हगडावन 55 धांवड्यो केल्ल्यो. रोलॅण्ड मितीची विकेट दर्शन मिशाळान घेतली. जाल्यार करणजीत सिंगान 41 आनी मोहम्मद अल बाशीद शुन्याचेर खेळटालो.
धांवतकटोः गोंय (पयलो डाव), 87 ओव्हरींनी 7 बाद 302 धांवड्या वयल्यान मुखार (समर दुभाषी 75, ऋत्विक नायक 19, हेरंब परब 12, शुभम तारी नाबाद 0 धांवडी).
बॉलींगः राजकुमार रॅक्स सिंग 21-4-43-2, ज्योतीन सिंग 21-6-58-1, बिश्वोरजीत सिंग 17.2-2-65-2, प्रियोजीत सिंग 20-4-39-2, अजय सिंग 20-2-87-2, रोलॅण्ड मिती 10-0-58-1).
मणिपूर (पयलो डाव) 25 ओव्हरींनी सगले बाद 98 (युमनाम करणजीत सिंग 17, रोलॅण्ड मिती 1, मोहम्मद अल बाशीद 6, जॉन्सन सिंग 12, लॉंगलोनियांबा सिंग 4, कांगाबाम प्रियोजीत सिंग 2, ज्योतीन सिंग 8, पुखराम्बम प्रफुल्लोमणी सिंग 25, राजकुमार रॅक्स सिंग 5, बिश्वोरजीत सिंग 0, अजय सिंग नाबाद 0).
बॉलींगः ऋत्विक नायक 9-2-39-2, शुभम तारी 12.1-1-41-5, दर्शन मिशाळ 2-1-1-1, मोहीत रेडकार 2-0-2-2.
मणिपूर (दुसरो डाव) 16 ओव्हरींनी 1 बाद 55 धांवड्यो (युमनाम करणजीत नाबाद 41, रोलॅण्ड मिती 8, मोहम्मद अल बाशीद खेळटा 0).
बॉलींगः ऋत्विक नायक 2-10-0, मोहीत रेडकार 2-4-0.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
