भांगरभूंय | प्रतिनिधी
दिल्ली जावपी तिसरे 23 वर्सां पिराये सकयले राष्ट्रीय पांवड्या वयले 9 ए सायड दादल्यांच्या लॅदर बॉल क्रिकेट सर्तींत वांटो घेवपाक गोंयचो पंगड हालींच दिल्ली भोंवडेर गेला. सर्त दिल्लीच्या कांझवाला क्रिकेट मैदानाचेर 27 ते 29 जुलय मेरेन चलतली.
गोंयच्या पंगडांत आर्यन खुटकार (मुखेली), रामानंद सतरकार (उप मुखेली), रुशील वेलींगकार, विव्हान शिंदे, अमेय सावंत, स्मृतन फळदेसाय, केशल गावडे, आशिष सुर्लकार, प्रथमेश नायक, रेवत गावडे, आदित्य घाडी, सनी देसाय, आदित्य दलाल, अक्षय नायक ह्या खेळगड्यांचो आस्पाव आसा.
पंगड वेवस्थापक म्हणून गणेश सावंत जाल्यार प्रशिक्षक म्हणून अनीश नायक गांवकार हांची निवड केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
