भांगरभूंय | प्रतिनिधी
फॉर्मालीनाच्यो सगल्यो तपासण्यो नेगेटिव्ह : विश्वजित राणे
पणजी : अन्न आनी वखदां प्रशासन संचालनालयान मार्च ते जून ह्या म्हयन्यांत फॉर्मालीन खातीर २ लाख नुस्त्यांच्या नमुन्यांची तपासणी केली. सगले अहवाल नेगेटिव्ह आयिल्ल्या गोंयकारांक फॉर्मालीनमुक्त आनी दर्जेदार नुस्त्याची पुरवण जाता, अशें अन्न आनी वखदां प्रशासन खात्याचे मंत्री विश्वजित राणे हांणी ट्विट करून सांगलें.
गोंयांत फॉर्मालीनाच्या नुस्त्याची पुरवण जाल्ल्याचो आरोप अदींमदीं जायत आसता. ह्या आरोपांचे फाटभूंयेर तांणी दिली.
सात वर्सां आदीं नुस्त्या मदीं फॉर्मालीन सांपडिल्ल्यान राज्यांत बोवाळ निर्माण जाल्लो. २०१९ उपरांत क्वालिटी कंट्रोल ऑफ इंडियाच्या (क्यूसीआय) च्या सहकार्यान पोळे वआनी पत्रादेवी हांगचे चेकनाके तशेंच मडगांव नुस्तें मार्केटांत नुस्त्यांची तपासणी जाता.
२०१९ उपरांत पोळे हांगा ३३८०५ नमुने, पत्रादेवी ३३९८९ नमुने जाल्यार मडगांवां नुस्तें मार्केटांत १३२७१७ नमुन्यांची तपासणी जाल्या.
तशेंच अन्न आनी वखदां प्रशासना वतीन (एफडीए) प्रयोगशाळेंतूय नुस्त्यांची तपासणी करता. नुस्त्यांची तपासणी जावपी प्रयोगशाळेंत अत्याधुनीक उपकरणां आसात. ह्या उपकरणांच्या आधारार नुस्त्यांची तपासणी जाता. ह्या एकाय नुस्त्त्याच्या नमुन्यांनी फॉर्मालीन सापडूंक ना, अशें एफडीए खात्याचे मंत्री विश्वजीत राणे हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
