भांगरभूंय | प्रतिनिधी
सुरत शारांतल्या लालभाय कॉंट्रेक्टर स्टेडियमाचेर चालू आशिल्ले रणजी गट ‘क’ तले रेल्वे पंगडा आडचे लडतींत गोंयची बॅटींग परतून एकदा गडगडली. रेल्वेन पयल्या डावांत काडिल्ले 297 धांवड्यांक जाप दितना गोंयचो डाव 200 धांवड्यांचेर सोंपिल्ल्यान रेल्वेक 97 धांवड्यांची म्हत्वाची आघाडी फावो जाली.
काल दुसऱ्या दिसाचो खेळ सोंपलो त्या वेळार रेल्वेन आपल्या दुसऱ्या डावांत बिनबाद 31 धांवड्यो केल्ल्यो. रेल्वेची आघाडी आतां 128 अशी जाल्या.
ते पयलीं रेल्वेन आपल्या पयल्या डावांत 4 धांवड्यांची भर घातल्या उपरांत ताचो डाव 297चेर सोंपिल्लो. गोंया खातीर दीपराज गांवकारान 3, दर्शन मिशाळ आनी हेरंब परबान दरेकी 2 जाल्यार मोहीत रेडकार आनी फॅलिक्स आलेमांवान दरेकी एक विकेट घेतली.
गोंय खातीर पयल्या डावांत रणजी पंगडांत पुनरागमन करपी अमोघ देसायान अर्द शेंकड्याची खेळी केली. ताणें 134 बॉलांनी 61 धांवड्यो केल्यो. हातूंत 10 चवक्यांचो आस्पाव आशिल्लो. गोंयचो ओपनर सुयश प्रभुदेसाय शुन्याचेर बाद जालो. अमोघान मंथन खुटकारा वांगडा मेळून दुसरे विकेटी खातीर 55 धांवड्यांची भागिदारी केली. मंथन खुटकार आनी स्नेहल कवठणकार अपेशी थारले. अमोघ देसाय, मुखेली दर्शन मिशाळ, दीपराज गांवकार आनी के व्ही सिद्धार्थ हे रोखडेच बाद जाल्ल्यान गोंयची स्थिती 7 बाद 159 अशी बिकट जाली.
ते उपरांत मोहीत रेडकारान लक्ष्य गर्ग, हेरंब परब आनी फॅलिक्स आलेमांव हांच्या वांगडा मेळून गोंयचो डाव 200 मेरेन पावयलो.
रेल्वे वतीन आदर्श सिंग आनी आकाश पांडे हाणें दरेकी 4 विकेटी घेतल्यो. युवराज सिंगान 2 विकेटी मेळयल्यो.
धांवतकटोः रेल्वे (पयलो डाव) 90.5 ओव्हरींनी 297 धांवड्यो, गोंय (पयलो डाव) 68.2 ओव्हरींनी सगले बाद 200 धांवड्यो (सुयश प्रभुदेसाय कॅ. मोहम्मद सैफ बॉ. युवराज 0, अमोघ देसाय कॅ. विवेक सिंग बॉ. आकाश पांडे 61, मंथन खुटकार एलबीडब्ल्यू बॉ. आकाश पांडे 10, स्नेहल कवठणकार कॅ. मोहम्मद सैफ बॉ. आकाश पांडे 16, के व्ही सिद्धार्थ कॅ. विवेक सिंग बॉ. आकाश पांडे 32, दर्शन मिशाळ कॅ. उपेंद्र यादव बॉ. युवराज 5, दीपराज गांवकार कॅ. विवेक सिंग बॉ. आदर्श सिंग 26, मोहीत रेडकार कॅ. आशुतोष शर्मा बॉ. आदर्श सिंग 35, लक्ष्य गर्ग कॅ. उपेंद्र यादव बॉ. आदर्श सिंग 4, हेरंब परब कॅ. साहब युवराज सिंग बॉ. आदर्श सिंग 5, फॅलिक्स आलेमांव नाबाद 0), अतिरिक्त 6.
बॉलींगः युवराज 13-3-29-2, हिमांशू सांगवान 7-1-37-0, आदर्श सिंग 13.2-2-49-4, आकाश पांडे 23-6-62-4, मोहम्मद सैफ 12-2-18-0.
रेल्वे (दुसरो डाव) 11 ओव्हरींनी बिनबाद 31 धांवड्यो (विवेक सिंग खेळटा 14, सुरज अहुजा खेळटा 14), अतिरिक्त 1.
बॉलींगः लक्ष्य गर्ग 3-1-3-0, हेरंब परब 3-0-6-0, फॅलिक्स आलेमांव 2-0-14-0, दीपराज गांवकार 1-0-2-0, मोहीत रेडकार 1-0-4-0, दर्शन मिशाळ 1-0-2-0.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
