भांगरभूंय | प्रतिनिधी
भांगरभूंय । पत्रक
मडगांवः गोंयांत हिंदी भाशेचो वापर व्हडलोसो ना. तरीय जायते गोंयकार कवी आनी कवयित्री हिंदी भाशेंत लेखन करतात ही एक तुस्त करपा सारकी गजाल आसा. तरणाटी पिळगी आनी मानेस्ताच्यो बोधप्रद कविता आयकून हांव प्रभावीत जालां अशें कोंकण रेल्वेच्या कारवार विभागाचो राजभाश अणकार अधिकारी सतीश धुरी हांणी सांगलें.
गोमंतक राष्ट्रभास विद्यापीठ हे संस्थेन हालींच मडगांवा सम्राट क्लब मडगांवच्या पालवान आयोजीत केल्ल्या हिंदी कवी संमेलनांत मुखेल सोयरे म्हणून ते उलयताले. माचयेर मडगांव सम्राट क्लबाचो अध्यक्ष हरेश राव, गोमंतक राष्ट्रभाश विद्यापिठाची उपाध्यक्ष ज्योती कुलकर्णी आशिल्लें.
संमेलनांत 30 कवी, सवयित्रांनी आपल्यो कविता सादर केल्यो. विद्यापिठाच्या सभाघरांत जाल्ल्या ह्या संमेलनाक श्रोत्यांचो बरो प्रतिसाद मेळ्ळो. प्रकाश क्षीरसागर हांणी गझल सादर केली. अभय सुराणा, विशाल नारायण, शर्मिला प्रभू, महेश पारकार हांणी कविता सादर केल्यो. चंदा कित्तूर हांणी सूत्रसंचालन आनी स्वरूपा कुंदे हिणे निमाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
