भांगरभूंय | प्रतिनिधी
एनआयओंत ऑसिकॉन परिशदेचें मुख्यमंंत्र्यांं हस्तुकीं उक्तावण
पणजी : गोंंया सयत विकसीत भारताचें सपन पुराय करपाक दर्यादेग अर्थवेवस्थेची भुमिका निर्णायक थारतली अशेंं मुख्यमंंत्री डॉ. प्रमोद सावंत हांंणी सांंगलें. ते एनआयओंत ऑसिकॉन 2025 परिशदेच्या उक्तावण सुवाळ्यांत उलयतालें.
सन, सी आनी सॅण्ड अशी गोंंयची वळख आसा. हातूंत आता स्पिरिच्युएलिटीचो आस्पाव करपाची गरज आसा. गोंंयांंत व्हड प्रमाणांत दर्या तशेंच दर्यादेगो आसात. दर्या तशेंच दर्यादेगांचें संंशोधन करपी एनआयओ ही एक म्हत्वाची संंस्था आसा. संंशोधन, तंंत्रज्ञान तशेंच नवनिर्मितींत एनआयओ संंस्था गोंंय सरकाराक बरेंच सहकार्य करता. पर्यावरण आनी हवामान बदल हे आयज म्हत्वाचे विशय जावन आसात. उदरगत करतना पर्यावरणाची जतनाय आनी हवामानाचो विचार करचो पडटा. दर्यातल्या बदलांंचो पर्यावरण तशेंच हवामानाचेर परिणाम जाता. हाका लागून दर्या तशेंच दर्यादेगो नितळ राखपाची गरज आसा, अशें मुख्यमंंत्री डॉ. प्रमोद सावंंत हांंणी सांंगलें.
पर्यटन आनी नुस्तेमारी हे गोंंयकारांंचे मुखेल वेवसाय आसात. दर्यादेग पर्यटन वाडोवपा खातीर दर्या संशोधन म्हत्वाचें थारतलें. नुस्तेमारी, रेंवेचो उपसो तशेंच येरादारी खातीर न्हंंयांचो वापर व्हड प्रमाणांत जाता. दर्याचेर आधारीत अर्थवेवस्था तयार करप ही काळाची गरज आसा. पर्यटन, नुस्तेमारी, न्हंंय येरादारी परिणामकारक करपा खातीर दर्या संशोधन तशेंच तंंत्रज्ञान तयार करपाची गरज आसा. ह्या संंशोधनांत एनआयओ सारक्या संंस्थे कडेन म्हत्वाचो वाटो उखलपाची तांंक आसा.
विकसीत भारत 2047 चें सपन प्रधानमंंत्री नरेंद्र मोदी हांंणी सगल्या मुखार दवरलां. विकसीत गोंंय 2047 हें सपन गोंंयकारा मुखार आसा. पर्यावरणाचें संंतुलीत राखून राज्याची उदरगत करपाक जाय. ऑसिकॉन सारके परिशदेंत पर्यावरण आनी हवामान बदलाचेर विचार जातलो. देशांतल्या नामनेच्या संस्थांंचे वैज्ञानीक हे परिशदेंत वांंटो घेतात, ही गोंयकारांं खातीर खोशयेची गजाल आसा अशें मुख्यमंंत्री डॉ. प्रमोद सावंंत हांंणी सांंगलें.
एनआयओचे संंचालक डॉ. सुनीलकुमार सिंंग, ऑसिकॉन परिशदेचे अध्यक्ष कुरियन एनपी, परिशदेचे संंघटक डॉ. जया कुमार सीलम हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
