भांगरभूंय | प्रतिनिधी
पणजी: खूबश्या वर्सां सावन आपल्या घरांत रावपी गोंंयकारांंक आपल्या घरांत रावप सुरक्षीत दिसूंक जाय. सरकार लोकांं खातीर आसा. अनधिकृत घरांं अधिकृत करपा सयत लोकांच्या प्रस्नाचेर सुकाणू समितीचे बसकेंत चर्चा जाली अशी म्हायती प्रदेश भाजप अध्यक्ष दामू नायक हांंणी दिली.
भारतीय जनता पक्षाच्या सुकाणू समितीची पणजेंत बसका जाली. प्रदेश भाजप अध्यक्ष दामू नायक, मुख्यमंंत्री डॉ. प्रमोद सावंंत, आमदार दिगंंबर कामत तशेंच हेर वांंगडी बसकेक हाजीर आशिल्ले.
हे बसकेंत पक्षाचे संंघटण आनी वांगड्यांच्या विशयांंचेर चर्चा जाली अशी म्हायती मुख्यमंंत्री डॉ. प्रमोद सावंंत हांंणी दिली.
सरकार वा पक्ष हो लोकांं खातीर आसता. विधानसभेंत लोकांंच्या प्रस्नाचेर चर्चा जाता. पक्षाचें संंघटण तशेंच अधिवेशनाचेर बसकेंत चर्चा जाली. अनधिकृत घरां अधिकृत करपा खातीरचें विधेयक विधानसभेंत चर्चेक येवपाचें आसा. खूबश्या गोंंयकारांंनी आपले सुवातेंत वा बरेपणान घरांं बांंदल्यांत. तांंकां कायदो, एफएआर, टीसीपी हे विशींची कसलीच म्हायती नाशिल्ली. तांंका थाकाय दिवपा खातीर घरां अधिकृत करपा खातीरचें विधेयक आसा. अनधिकृत घरांं अधिकृत करून लोकांंक थाकाय दिवची हो हेत आसा. सभाघरांत हाचेर खोलायेन चर्चा जातली. गोंंयांंत खूबशे भायले लोक आयल्यात. गोंंयकार गटारां, बांंदकाम वा नितळसाणीचीं कामां करपाक पळयनात. हाका लागून भायले लोक आयल्यात. ह्या लोकांंची लेगीत रावपा खातीर वेवस्था करपाची गरज आसा अशें दामू नायक हांंणी बसके उपरांंत सांंगलें.
बसकेंत जिल्हाे पंंचायत वेंचणुकेचेर लेगीत चर्चा जाली. भारतीय जनता पक्ष एक वेंचणूक जाली काय दुसरे वेंचणुकेची तयारी करपाक लागता अशें ताणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
