भांगरभूंय | प्रतिनिधी
मडगांव : बाणावलेच्या गॅस एजन्सींत डिलिव्हरी बॉय दुबावीत विश्नारम पुनिया (१९, रा. राजस्थान) हांणी गिरायकांचे पयशे आपल्या खात्यांत जमा करीत ३.२७ लाखांचीं फटींगपणां केलीं. ह्या प्रकरणांत कोलवा पुलिसांनी दुबाविता आड गुन्यांव नोंद केला.
बाणावलेच्या सालसेत गॅस एजन्सीच्या लेरशा पिमेंता हांणी अर्थीक फटींपणां प्रकरणांत कोलवा पुलिशेंत कागाळ नोंद केल्या. ते प्रमाण दुबावीत पुनिया ह्या डिलिव्हरी बॉयान १६ जून ते २० जुलय ह्या काळांत अर्थीक फटींगपणां केल्यां. दुबावीत पुनिया हो गॅस सिलेंडर दिवपा खातीर गेलो काय गिरायकांक ऑनलायन रक्कम स्वताच्या खात्यांत जमा करपाक लायतालो. दुबावितान स्वताच्या बँक खात्याचेर घेतिल्ली रक्कम गॅस एजन्सीक दिवंक ना. अशे तरेन दुबावितान ३.२७ लाखांचे रकमेचो अर्थीक घोटाळो केला. ह्या प्रकरणांत कोलवा पुलिसांनी अर्थीक फटींगपणां प्रकरणांत दुबाविता आड गुन्याव नोंद केला. पुलीस निरीक्षक विक्रम नायक हांच्या मार्गदर्शना खाला पुलीस उपनिरीक्षक रक्षा नायक फुडलो तपास करता
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
