भांगरभूंय | प्रतिनिधी
मडगाव : वोडलेमळ- काकोड्यां गॅरेजीक उजो लायिल्लो. हातूंत गाडये सयर केबलूय लाशिल्ल्यान सुमार 1.60 लाखांचें लुकसाण जाल्लें. ह्या प्रकरणांत अटक केल्ले रमेश नायक आनी सोहम नायक हांचो जामीन अर्ज दक्षीण गोंय जिल्लो सत्र न्यायालयान भायर मारलो.
गॅरेजीक उजो लागिल्ल्या प्रकरणांत उजो लागिल्ल्या प्रकरणांत सिल्वन सीमांव दा कोस्टा हांणी कुडचडें पुलीस स्टेशनांत कागाळ नोंद केल्ली.
पुलिसांनी दिल्ले म्हायती प्रमाण- दुबावीत रमेश नायक आनी सोहम नायक हांणी बेकायदेशीरपणान मालमत्तेंत वचून गॅरेजीक 22 सप्टेंबराक उजो लायिल्लो. ह्या उज्यांत मारुती सियाझ गाडी आनी गॅरेजींतले वायरिंग केबल्स असो माल लाशिल्ल्याचें कागाळींत नमूद केल्लें. ह्या प्रकरणांत कागाळे उपरांत चवकशी करून दोग दुबावितांक पुलिसांनी अटक केल्ली. दोनूय दुबावितांनी दक्षीण गोंय जिल्लो सत्र न्यायालयांत जामीना खातीर अर्ज सादर केल्लो. ताचेर सुनावणी करतना न्यायालयान हो गुन्यां गंभीर स्वरुपाचो आशिल्ल्यान हाची खोलायेन चवकशी करप गरजेचें आशिल्ल्याचें सांगून जामीन न्हयकारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
