भांगरभूंय | प्रतिनिधी
भारतांत डिजिटल पेमेटाचो आंकडो वाडत आसा. जायते जण डिजीटल पेमेंट पद्दत चड वापरतात. भारतांतले फोन पे आनी गूगल पे हे व्हडले पेमेंट अॅप प्लॅटफॉर्म आसात. हालींसराक डिजिटल पेमेंटांतली फटवणूक वाडत आसा, तिका हाताळपा खातीर गूगल पेन ‘अलर्ट संदेश’ नावांचें नवें खाशेलपण सुरू केलां. जें तुमकां पयशे चुकीच्या खात्यांत गेले जाल्यार अलर्ट करतलें.
म्हणल्यार, तुमी चुकीच्या खात्यांत पयशे हस्तांतरीत करतात जाल्यार, तुमी पयशे धाडटात तें खातें चुकीचे आसा असो गुगल पे कडल्यान तुमकां अलर्ट संदेश मेळटलो. अशे स्थितींत चुकीच्या खात्यांत पयशे धाडप टाळूं येता. गुगल पे हें थर्ड पार्टी अॅप प्लॅटफॉर्म आसा. देखून तुमच्या खात्यांतल्या चुकीच्या खात्यांत पयशे हस्तांतरीत केल्यार, ताका अॅप जापसालदार ना.
मजगतीं, बेगीनूच गूगल पे वरवीं साउंड बॉक्स खाशेलपण दितले. हो साउंड बॉक्स ल्हान वेवसायां खातीर आसा. जो फारीकणी वेळार तुमी कितले पयशे भरले हे आवाज करुन सांगतलें. अहवाला प्रमाण फुडल्या वर्सा 2024 मेरेन गूगल पे साउंड बॉक्स सुरू जावंक शकता. गूगला पयलीं पेटीएम कंपनीन साउंड बॉक्स दिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
