भांगरभूंय | प्रतिनिधी
भांगरभूंय । प्रतिनिधी
काणकोणः कर्नाटकांत पाम ऑयल घेवन वचपी टीएन -70 एसी-0624 हो टॅन्कर गुळें हांगा एका शेतांत पडून पिकाचें लुकसाण जालें. शेनवारा सकाळी हो अपघात जालो. करमल घाटा वयल्यान सकल देवून ड्रायव्हराचें नियंत्रण गेल्ल्यान तो सरकारी प्राथमीक शाळे लागीं लंवडून पडलो.
नशीब म्हणून ड्रायव्हराक कांय जालें ना. सामकार येवपी वाहनात सायड दितना रस्ताचे सामके दावे वटेन ड्रायव्हरात टॅन्कर व्हेल्यो. रस्ताचे सामके कडेन गेल्ल्यान ताचो बॅलन्स गेलो आनी तो लंवडलो अशें ड्रायव्हरान सांगलें. गुळें हांका एनएच-66 मात्सो अशीर आसा. गुळें वाठारांत ताका लागून वाहनाचे अपघात जायत आसतात. शेनवारा जाल्लो हो पांचवो अपघात आसा.
वाहनांच्या अपघातांत लागून आमच्या शेताचें लुकसाण जाता. सरकारान हो रस्तो रुंद करपाक जाय अशें गुळ्यांतल्या शेतकारांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
