भांगरभूंय | प्रतिनिधी
दरेक भारतीयांच्या घरांनी सहज मेळपी भोवगुणी आनी भोवउपेगी गजाल म्हळ्यार गुलाबाचें उदक. हें उदक ब्युटी मॅजीक म्हणूनय फामाद आसा. भारतीयूच न्हय तर संवसारभरच्या बायलांचें गुलाबचें उदक हें तांच्या सौंदर्याचें गुपीत जावन आसा. इजिप्तची राणी क्लिओपात्रा तिच्या ब्युटी ट्रीटमेंटांत गुलाबजल वापरताली.
गुलाबाचें उदक कातीचें पीएच समतोल दवरपाचें काम करता आनी तेलकट कांती पसून वाटायता. कांतीक सूज आल्यार ती उणी करून तांबडी जाल्ली कांतूय सुदारता. पिंपल, बारीक पुळयो हाका तें क्लींझर म्हणून उपेगी थारता. कांतीचीं रंध्रां मेकळीं करून कांतीक नवें जिवन दिवपाचें आनी ताज्जी दवरपाचें काम गुलाबाचें उदक करता.
गुलाबाचें उदक जंतूनाशक आसता. कांतीचेर आशिल्लो घावो, कांपिल्ल्याचो उरिल्लो वोळ वा दाग बरो करता. गुलाबाच्या उदकाचो वास मूड बदलपी. फकत ताचो वास घेतल्यार बरें दिसता आनी डिप्रेशन उणें जाता. डँड्रफ, सुटिल्ली कांत पयस करपाक उपेगी पडटा आनी केंसांची वाड बरी जावपाकय आदार करता. तो एक व्हडलो कंडीशनर. न्हिदेंत ताचे थोडे थेंब तकलेचेर दवरल्यार तुमकां बरी न्हीद येतली. पिराय वाडप टाळपाखातीर ताचो नेमान उपेग करात.
जांचे कांतीर सुरकुत्यो दिसपाक लागल्यात तांणी रातच्या वेळार कांतीचेर गुलाबाचें उदक वापरूं येता. तशेंच सप्रे मारपाचे बाटलेंतल्यान मेकअपाचेर स्प्रे मारप. ग्लिसरीन आनी गुलाबाचें उदक सारके प्रमाणांत घेवन माथ्यार कांपूस घांसून मागीर १० मिनटां उपरांत शॅम्पू करून केंस चकचकीत करूं येता. दोळे थकिल्ले वरीं जाणवल्यार कापूस गुलाबाच्या उदकांत भिजोवन दोळ्यांचेर दवरल्यार विसव मेळटा.
एक चमचो लिंबाचो रोस आनी गुलाबाचें उदक घालून तें अर्द वर पिंपलांचेर लावचें आनी मागीर तोंड धुवचें. मुलतानी माती आनी गुलाबाच्या उदकाची पेस्ट करून फेस पॅक तोंडार लावचो आनी मागीर धुवन काडचें. ताजें तोंड दिसता. दाळीच्या पिठांत गुलाबाचें उदक आनी लिंबाचो रोस घालून तोंड धुल्यार कांत ताज्जी दिसता. उदकांत गुलाबाचें उदक घालून न्हाल्यार ताण पयस जाता.
गुलाबाचें उदक विकतें घेतना तें खात्रीचे सुवातेरूच करचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
