गुरू- शिश्य परंपरा हो भारताचो सांस्कृतीक आत्मो : नीता अंबानी
भांगरभूंय | प्रतिनिधी
‘परंपरा : गुरुपुनव विशेश’च्या माध्यमांतल्यान गुरु- शिश्यांचो भोवमान
गुरु- शिश्य परंपरा म्हणल्यार भारताच्या कलात्मक आनी सांस्कृतीक वारशाचें काळीज आनी आत्मो. आमच्या देशाच्या गिरेस्त दायजाची ती बुन्याद. ही परंपरा आमचो भूतकाळ, वर्तमान आनी फुडार हांकां जोडपी पूल म्हूण काम करता. आमच्या मुल्यांक रुप दिवपी ही एक मोलादीक परंपरा, अशें मत नीता अंबानी हांणी उक्तायलें.
‘परंपरा : गुरुपुनव विशेश’च्या माध्यमांतल्यान गुरु- शिश्यांचो भोवमान करतना त्यो उलयताल्यो. आमच्या देशाक कृष्ण ते द्रोणाचार्य मेरेन, मैत्रेयी ते चाणक्य मेरेन आनी सावित्रीबाई फुले पसून स्वामी विवेकानंदा मेरेन गुरुंची साथ आमच्या देशाक मेळ्ळी. जांणी फक्त शिश्यांचें जिवन बदलूंक ना, तर फुडल्या कितल्याश्याच पिळग्यांक प्रेरीत केलें, अशें तांणी सांगलें.
मुंबयच्या #NitaMukeshAmbaniCulturalCentre त भारतीय शास्त्रीय संगीतांतले उत्कृष्ट उस्ताद आनी तांच्या नामनेच्या शिश्यांक एकठांय हाडून तांणी दोन दिसांच्या विकेंड स्पेशल कार्यावळीचें आयोजन केल्लें. गुरू- शिश्य नात्याक वर्सुकी मानवंदना म्हूण नीता अंबानी हांच्या मार्गदर्शना खाला हें विशेश सादरीकरण जालें. हे निमतान भारतीय गुरु- शिश्य परंपरेचें दर्शन संवसाराक जालें. हे कार्यावळींत नामवंत संगीत गुरू – शिश्यांनी सादरीकरण केलें. तातूंत उस्ताद अमजद अली खान, तांचे पूत अमान अली बंगश आनी अयान अली बंगश आशिल्ले. अमजद अली हांचे नातू जोहान आनी अबील अलीन हांणी एकठांय आपली कला सादर केली. पं. हरिप्रसाद चौरसिया हांचो 85 वो वाडदीस आशिल्लो. तांणी बासरेचेर धून वाजयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
