भांगरभूंय | प्रतिनिधी
शिक्षक दिन म्हणजे गुरू आनी विद्यार्थी हांच्या अतुट बंधनाचो एक मोलादीक दीस.
शिक्षक म्हणजे गुरुजन. ते गिन्यानाचे म्हासागर. गुरु विद्यार्थ्यांक काळखांतल्यान उजवाडा कडेन वचपाची वाट दाखयतात. गुरुविशीं कृतज्ञता व्यक्त करपाचो दीस म्हणल्यार शिक्षक दीस. गुरुचें स्थान देवा परस श्रेश्ठ मानतात. शुन्यांतल्यान विश्व निर्माण करपी गुरुजनांचो आमी आदर बाळगूंक जाय.
आयज शिक्षक दिन. आमकां स्वताच्या पायांचेर उबो करपी शिक्षकाक नमळायेचें अभिवादन. संबंध भारतांत 5 सप्टेंबर हो शिक्षक दीस म्हूण मनयतात. ह्या दिसा म्हान व्यक्तीमत्व डाॅ. सर्वेपल्ली राधाकृष्णन हांचो जल्म जाल्लो. तांच्यो यादी कायम उरच्यो म्हूण हो दीस सगल्या शाळा, विद्यालयांनी वेगवेगळ्या कार्यावळींनी मनयतात.
राधाकृष्णन हे म्हापंडित. तांणी उंचेलें शिक्षण घेतिल्लें. सदांच पयल्या क्रमांकाचेर पास जावपी ते विद्यार्थी. ते भारताचे दुसरे राष्ट्रपती जाले. राजकी फुडारी आशिल्ले तरी तांचो पेशा शिक्षकाचो आशिल्लो. तांचो विद्यार्थी आनी हेर शिक्षकां कडेन पळोवपाचो दृश्टीकोन मायेमोगाचो आशिल्लो. शिक्षक दिन म्हणजे गुरू आनी विद्यार्थी हांच्या अतुट बंधनाचो एक मोलादीक दीस. शिक्षक आनी विद्यार्थी हांकां सामकें लागीं हाडपाचे हे रेशमाचे केन्नाच तुट नाशिल्ले बंध. गुरू आनी शिश्या मदीं मोग, आपुलकी, कळकळ, तळमळ हाका नवी दिका दाखोवपाचो विलक्षण खीण.
सगल्यांत पयलीं डाॅ. राधाकृष्णन हांच्या फोटोक कुकम लावन फुलांचो हाल घालतात. दिवली पेटोवन भुरगीं फोटोक उजवात दाखयतात. फोटो मुखार नतमस्तक जातात. भुरगीं गुरुजनाचेर भाशण करतात. देशभक्तीपर गितां गायतात. सगल्या शिक्षकांचे आशिर्वाद घेतात. त्या दिसा भुरगीं स्वता शिक्षक जावन शिकयतात. शिक्षकां वयलो मोग तीं आपले कृतीन दाखयतात.
शिक्षक म्हणजे आमचे गुरुजन हे गिन्यानाचो उजवाड दाखोवन विद्यार्थ्यांची जीण गिरेस्त करतात. ताका हुशार मनीस करतात. ताका फुडाराक उपेगी पडटलें अशें ज्ञान दितात. अशा ह्या ज्ञानरुपी गुरजनाक म्हजे कोटी कोटी प्रणाम. शिक्षक दिसाचीं सगल्यांक परबीं.
– सिद्धी तिळवे
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
