भांगरभूंय | प्रतिनिधी
सुरत: गुजरातच्या सुरत जिल्ह्यांत एक दुखेस्त घडणूक घडली. ७० फूट उंच पुलावेल्यान पडिल्ल्यान एकाच कुटुंबांतल्या तिगांक मरण आयलें. कांयच चूक नासून लेगीत तांकां आपलो जीव वगडावचो पडलो. पतंग उडोवपाचे दोरयेक लागून तांचो जीव गेलो. ७० फुटांवेल्यान मोटारसायकली वेल्यान ते सकयल सरळ रिक्षेचेर कोसळ्ळे. बापूय आनी धुवेक जाग्यारूच मरण आयलें. जाल्यार बायलेक उपचारा वेळार मरण आयलें.
नेमकें कितें जालें?
गुजरातच्या सुरत जिल्ह्यांतल्या एका कुटुंबांतले तीग जाण ७० फूट उंच उड्डाणपुलावेल्यान सकयल पडले. पतंगाचे दोरयेक लागून तांचे दुचाकीचो आपघात जालो. ह्या अपघातांत बापूय आनी तांचे ७ वर्सां पिरायेचे चलयेक जागयारूच मरण आयलें. तांची बायक सकयल उबी आशिल्ले एके रिक्षेचेर वचून पडली. बायल हे डणुकेंत वाटवल्ली. मात तिका गंभीर जखमो जल्ल्यान उपचारा वेळार मरण आयलें.
चंद्रशेखर आझाद उड्डाणपुलार ही घडणूक घडली. मकर संक्रांतीच्या निमतान रेहान नांवाचो हो मनीस बायल रेहाना आनी खूव आयशा वांगडा भोंवपाक गेल्लो.
रेहाना हांणी दिल्ले म्हायती प्रमाण, उड्डाणपुलावेल्यान वतना अचकीत रेहानाच्या आंगाक पतंगाची दोरी घुस्पली. एका हातान ती काडपाचो यत्न करतना तांचे दुचाकीवेल्यान नियंत्रण गेलें. दुचाकी पुलाचे वणटीक नेटान आदळ्ळी आनी तीं तिगांय ७० फूट सकयल पडलीं.
रेहान आनी आयशा हांकां जाग्यारूच मरण आयलें. जाल्यार रेहान सकयल उबी आशिल्ले रिक्षेचेर पडिल्ल्यान वाटवली. तिका बेगोबेग लागींच्या हॉस्पिटलांत व्हेली. उपरांत तिका उपचारा वेळार मरण आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
