भांगरभूंय | प्रतिनिधी
नवसारी, खबरां संस्था: गुजरातांतल्या नवसारी जिल्ह्यांतल्या देवसर गांवांतल्या एका गुदांवाक शेनवारा सकाळीं रसायनीक गळती जाल्ल्यान उजो लागिल्ल्यान तीन कामगारांक हुलपून मरण आयलें आनी तीन कामगार जखमी जाले. एक कामगार बेपत्ता आसा. सकाळीं सुमार ९ वरांचेर हो अपघात जालो. कामगार ट्रकांतल्यान रसायनांनी भरिल्लीं बॅरलां उखलतना ही घडणूक घडली.
मजगतीं, रसायनीक गळतीक लागून हो उजो लागलो आनी ६ कामगार जखमी जाले. जखमींक नवसारी सिव्हिल हॉस्पिटलांत दाखल केल्यात. पुलिसांनी कागाळ नोंद करून फुडली कारवाय सुरू केल्या. उजो पालोवपी दळाच्या यंत्रणां वरवीं दोन वरां भितर उजो नियंत्रणांत हाडपाक येस आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
