भांगरभूंय | प्रतिनिधी
हायवे आनी एक्सप्रेस मार्गावयल्यान भोंवपाक सगळ्यांक आवडटा, पूण टोल टॅक्स भरचो पडटा तेन्ना सगल्यांक हुस्को जाता. भारतांत टोल टॅक्स ही एक सामान्य गजाल. पयसुल्लो प्रवास करतना टोल टॅक्स भरचो पडटा. जायत्या वेळार लोकांक एकाच वेळार जायते टोलनाके हुंपचे पडटात. अशा वेळार टोल टॅक्साची रक्कम खूब चड आसता. तुमकां टोल शुल्का पसून सुटका मेळोवपाची आसल्यार तुमी गुगलाचे खाशेले सेवेचो लाव घेवंक शकतात.
टोल टॅक्स टाळपा खातीर गुगल मॅपांत एक खाशेलें खाशेलपण आसा. जेन्ना तुमी गुगल मॅपा वरवीं एका सुवातेर पावपाचो मार्ग सोदतात तेन्ना तुमकां एक मार्ग दाखयतात. हातूंत मार्गाचेर मेळपी टोल नाक्याचो तपशील पळोवंक मेळटा. ह्या टोलांतल्यान सुटका मेळोवपाची आसल्यार सकयल दिल्ली पद्दत पाळात.
० तुमच्या स्मार्टफोनाचेर Google Maps अॅप उगडात.
० तुमकां वचपाक जाय आशिल्ल्या जाग्याचो पत्तो वा नांव घालात.
० “Directions” पर्यायाचेर क्लिक करात.
० आतां तुमकां तुमचें थळ निवडचे पडटलें.
० उपरांत येरादारी निवडात, देखीक कार.
० बाजूक आशिल्ल्या तीन बिंदू मेनूचेर टॅप करात आनी पर्याय निवडात.
० हाचे उपरांत Avoid Tolls पर्याय निवडात.
० आतां टोल नाके नासतले असो मार्ग मेळटलो.
गुगल मॅप तुमकां ते मार्ग दाखयतले, जांतूत टोल नाके मेळचे ना. पूण टोल टॅक्स वाटोवपा खातीर तुमकां लांब प्रवास करचो पडूं येता आनी ताका चड वेळ लागतलो हें लक्षांत दवरात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
