भांगरभूंय | प्रतिनिधी
गूगल मॅपाच्या आदारान, तुमी अनवळखी सुवातेर वचपाचो मार्ग आतां सहज सोदपाक शकतात. तुमी गूगल मॅप व्हडा प्रमाणांत वापरतात जाल्यार, तुमकां हे विशीं कळप गरजेचें. कारण गूगल मॅपाचें म्हत्वाचें फिचर काडपाचें आसा.
गूगल मॅपाचें हें फिचर कंपनीन २०२० वर्सा सुरू केल्लें. ताका असिस्टंट ड्रायव्हिंग मोड फीचर अशें नांव दिल्लें. मेळिल्ले म्हायती प्रमाण गूगल फेब्रुवारी २०२४ उपरांत हें फिचर बंद करतलें. गूगल आमच्या पर्यायांत आनी कितें लॉंच करपाचें आसा हे विशीं तुमकां आमी आयज सांगतलीं. हाका लागून तुमकां चड वाट पळोवची पडची ना.
गुगलचें असिस्टंट ड्रायव्हिंग मोड फीचर एक डॅशबोर्डची पुरवण करता. जातूंत मिडिया सुचवण्यो, ऑडिओ नियंत्रण आनी मॅप दिसता. Google वरवीं हें फिचर बंद करपाचो अर्थ असो आसा, कंपनी Android Auto वांगडा असिस्टंट ड्रायव्हिंग मोड बदलपाचें आसा.
9 to 55 google च्या अहवाला प्रमाण, वापरप्यांक Google Mapत नवो इंटरफेस मेळटलो, जो असिस्टंट ड्रायव्हिंग मोड फिचराक रिप्लेस करतलो. गूगल मॅपाचें हें खाशेलपण खासा करून गाडी आशिल्ल्यां खातीर. सगळ्या तरांची म्हायती एकेच सुवातेर मेळटली. हातूंत प्रसारमाध्यमांची म्हायती, नकाशे आनी स्ट्रीमिंग ऍप्सची म्हायती उपलब्ध आशिल्ली.
हें फिचर बंद जाल्या उपरांतूय वापरप्यांक हेर तरेन ड्रायव्हिंग मोड वापरूं येता. हे खातीर तांकां गूगल ऍप वा गूगल मॅपांत वचून तांकां गूगल व्हॉयस कमांड दिवचो पडटलो, ड्रायव्हिंग मोड सुरू करचो पडटलो. हें खाशेलपण तुमकां Google Assisting Driven Mode सारको एक मार्गूय दाखयतले. तुमकां हें फिचर वापरपाक कसलोच त्रास जावचो ना, कारण Google Mapचें ड्रायव्हिंग मोड फिचर खूब अनुकूल आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
