भांगरभूंय | प्रतिनिधी
राव सुमंता थांबय रे रथ…. ही अयोध्येंतल्या लोकांनी केल्ली प्रार्थना लेगीत रामाचो रथ थांबोवंक शकली ना. भाव लक्ष्मण आनी बायल सीता हांचे सयत श्रीराम अयोध्येंतल्यान भायर आयले. ते राती अयोध्येंत एकाय घरांतले रांदनींत उजो पेटलोच ना. एकूय दिवो पेटलो ना. अन्न शिजलें ना. समुद्र ओसाड पडचो तशी रघुनगरी भकास दिसताली.
श्रीरामान नगराचे वेशी भायर पावले उपरांत अयोध्ये वटेन तोंड केलें आनी पांयां पडून नगराक अभिवादन केलें. वांगडा आयिल्ल्या सगल्या नागरिकांचो निरोप घेतलो. रथ फुडें चलपाक लागलो.
श्रीराम गंगेच्या तिराचेर आशिल्ल्या श्रृंगवेरपुराक आयले. थंयच्या राजान गुहान श्रीरामाचें दर्शन घेतलें आनी आस्थेन ताका येवकार दिलो. त्या रातीं सगले एका इंगुदी झाडा पोंदा रावले. दीस उजवाडले उपरांत गुहान व्हडें तयार केलें. श्रीरामान मंत्री सुमंत हांकां रथा सयत अयोध्येक परत वचात, अशें फर्मायलें. आपूण, सीता आनी लक्ष्मणा सयत व्हड्यांत चडून गुहाक चलपाक सांगलें. तारवटी वल्होवपाक लागले. वल्हयतना गावपाक लागले. तांच्या सांगाताक गुहाय गावपाक लागले….
जय गंगे जय भागिरथी
व्हड्या नाका तुं परत फिरूं रे, नाकां गंगे उर भरुं।
श्रीरामाचे नांव गायत श्रीरामांक पलतडी व्हरूं ।।घृ।।
जय गंगे जय भागिरथी जय जय राम दाशरथी।
ही दैवाची परती रेघ, पयस करूया जो आयका मेघ।
भाग्य आपले आपल्या हातांनी आपल्या कडसून पयस करू।
जय गंगे जय भागिरथी जय जय राम दाशरथी ।।1।।
श्रीविष्णुचो हो अवतार, करता भवसागर पार।
तारकाकुच तरून व्हरूया पदस्पर्शान आमी सगळे तरुं।
जय गंगे जय भागिरथी जय जय राम दाशरथी ।।2।।
जंय वता श्रीराम नरेश भाग्यवान तो दक्षीण देस।
हांगा अयोध्या शुष्क पट्टली, पैल तिराचेर कल्पतरू॥
जय गंगे जय भागिरथी जय जय राम दाशरथी ।।3।।
कर्तव्याची धरून कांस, रामान घेतला हो वनवास।
दास ते आमी ताचे, कर्तव्याक कित्याक फाटीं सरूं?।
जय गंगे जय भागिरथी जय जय राम दाशरथी ||4||
जांव तो अतिथी जांव तो राम, पलतडी पावोवप आमचें काम।
वायट बरें ते रामांक खबर, रामांक आमी पलतडी व्हरूं।
जये गंगे जय भागिरथी जय जय राम दाशरथी ॥5॥
गंगे तुका हो मंगल योग, भगिरथ आनी तुजो जल ओघ।
ताचो वारस व्हरतां तुं गे दक्षीण देशा अमर करूं ।
जय गंगे जय भागिरथी जय जय राम दाशरथी ॥6॥
गंगा पावन, पावन राम, श्रीरामाचे पावन नाम।
त्रिदोषनाशी प्रवास प्रभुचो, नावीक आमी सदां स्मरूं॥
जय गंगे जय भागिरथी जय जय राम दाशरथी ।।7।।
– उदयबुवा फडके (राष्ट्रीय कीर्तनकार)
97642 43377
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
