भांगरभूंय | प्रतिनिधी
नाका वचूं रामा आमकां सोडून….. अशें कौसल्येन कितलेशेच फावटी सांगलें तरी श्रीरामान आपलो निश्चय बदलूंक ना. परतें कौसल्येकुच श्रीरामान सांगलें, की बायलेन आपल्या पतिदेवाक (घोव) सोडून रावचें न्ही. येदोळच्यान ओग्गी उबो रावून पळोवपी लक्ष्मणाक मात् आतां सोंसू नज जालें. ताणें तिडकीन म्हणलें –
रामा बगर राज्यपदार….
रामा बगर राज्यपदार कोण बसतलो?
खड्ग घेवन हातांत हांव पळयतलों ॥ धृ॥
श्रीरामा तूं समर्थ, मोह जळान फसलो व्यर्थ
पाप्यांचें पाप तुज्या म्हऱ्यांत हाडटलों ।।1।।
न्ही रे वचन न्ही रे वरुय, कैकयेक त्या राज्य जाय।
विशयधुंद राजा आतां तिकाच मानतलो ।।2।।
जे चिंत्तात पुत्रघात, ते कसले मायतात।
तुकां दिल्लो शब्द कसो राजा म्होड्टलो ।।3।।
विशयान् जो जाला दंग, करता तुजो वचनभंग।
बायलेचो हट्ट मात् तो मोन्यान पाळटलो ।।4।।
वर दिल्लो कैकयीक, याद कशी आज मितीक।
आयज् मेरेन राजा ना कित्याक उलयलो ।।5।।
मद्यधुंद हतया भशेन, दैव तुजे त्याच दिशेन।
श्रीरामा हांवूच ताका दोर लायतलों ।।6।।
तुंच बस राज्यपदी, पळयतां कोण येता मदीं।
कोणय येवनी कंठस्नान ताका हांव घालतलों ।।7।।
येवंदी रे तीनुय लोक, दाखयतां हांव तांकां धाक।
पळोवया न्ही जाण्टो तात कितें करतलो ।।8।।
युगां युगां राज्य कर, श्रीरामा चाप धर।
राखपाक फाटल्यान हांव सिद्ध आसतालों ।।9।।
आयल्ल्याक सजा हो हेतु म्हजो, भाव न्ही हांव दास तुजो।
कौसल्ये मातेशपथ हांव अशेंच करतलो ।।10।।
– उदयबुवा फडके (राष्ट्रीय कीर्तनकार)
97642 43377
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
