भांगरभूंय | प्रतिनिधी
पयलेच खेपे संशोधकांनी ग्रह गिळपी नखेत्राची खाशेली गती नोंद केल्या. ह्या नखेत्राचो आकार आमच्या सुर्या इतलोच आसा, अशें म्हण्टात. देखून गिळिल्लो ग्रह गुरू गिऱ्या इतलो आशिल्लो.
सीएनएनच्या मतान, हार्वर्ड विद्यापिठाच्या आनी कॅलिफोर्निया इन्स्टिट्यूट ऑफ टेक्नॉलॉजीच्या संशोधकांनी ही पुराय प्रक्रिया पळयली. पळोवपाक खूब भिरांकूळ दिसता. पूण, ही म्हायती एकठांय करप म्हत्वाचें आशिल्लें अशें पंगडाच्या वांगड्यांनी सांगलें. ह्या पंगडा प्रमाण एक दीस आमचो सूर्यय आमची धर्तरी आनी फुडले तीन ग्रह अशेच तरेन गिळटलो. 5 अब्ज वर्सां उपरांत सूर्य धर्तरेक गिळटलो.
नखेत्रांत अशी गती पयलीं केन्नाच पळोवंक नाशिल्ली अशें संशोधकांनी सांगलें. सूर्य एक दीस स्वताचो सौर मंडल शोशून घेतलो हें आमी खूब काळा सावन शिकतात, अशें एमआयटींत ताचेर संशोधन करपी किशले डे हांणी सीएनएनाक सांगलें. 5 अब्ज वर्सां उपरांत अशें जातलें अशें ताणें सांगलें. मागीर एका खिणांत धर्तरेचो नाश जातलो. हाची एक देख आतां आमचे मुखार
आसा.
संशोधकांच्या म्हणण्या प्रमाण, गिरो गिळपाची ही घडणूक 2020 वर्सा धर्तरे पासून 12 हजार उजवाड वर्सां पयस आशिल्ल्या एक्विला नांवाच्या सौर मंडलांत घडली. संशोधन पंगडाक हें समजून घेवपाक 3 वर्सां लागलीं. गिरो
गिळपी नखेत्र आमच्या सुर्या भशेन 10 अब्ज वर्सां पोरणें आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
