भांगरभूंय | प्रतिनिधी
पर्वरी, प्रतिनिधी: गिरी सरपंचपदार बाबाजी गडेकार हांची विरोधा विणें नेमणूक जाली. आदले सरपंच सनी नानोडकार हांणी राजिनामो दिल्ल्यान हें पद रितें जाल्लें. ताका लागून ह्या पदार नवो सरपंच वेंचपा खातीर आयज गट विकास अधिकारी, म्हापशें हांणी पंचायत कार्यालयांत विशेश बसका आपयल्ली.
बाबाजी हांचें नांव कल्पेश नायक हांणी सुचयलें आनी शुभम राव देसाय हांणी अनुमोदन दिल्लें. गुपीतपणान मतदान जालें. म्हापशें गटविकास कार्यालयाचे अधिकारी हनुमंत खोकत हांच्या मुखेलपणा खाला वेंचणूक जाली. तांकां सचीव दिनेश चोडणकार हांचें सहकार्य मेळ्ळें.
सनी पांडुरंग नानोडकार, उपसरपंच श्रेया उल्हास नायक, श्रीमती पांडुरंग नानोडकार, कल्पेश कृष्णनाथ नायक, जगन्नाथ महादेव गडेकार, सुकांती सुभाष कांदोळकार, बाबाजी गडेकार, शुभम राव दत्तराव देसाय, दलिनी अपोलोनिया कार्मेलिना फ्रँको हे पंच ह्या वेळार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
